Lajme

Komisioni për Shëndetësi i drejtuar nga Kurti mbanë mbledhjen e tretë, ja për çka u fol

Autori: Gazeta inFokus 20:12 | 01 October 2022

Komisioni Ekzekutiv për Shëndetësi, kryesues i së cilit është kryeministri i Kosovës, Albin Kurti të shtunën mbajti mbledhjen e tretë, shkruan Gazeta Infokus.

Sipas Zyrës së Kryeministrit në këtë takim u diskutuan dy studime të fizibilitetit në sektorin e shëndetësisë.

“Studimi i parë, për Spitalin e Prishtinës, ishte përgatitur nga ICME dhe u prezantua nga kryetari i Komunës së Prishtinës z. Përparim Rama dhe zyrtarët e tij. Ndërsa, studimi i dytë, për ShSKUK-në, u prezantua nga z.Thomas Ëeismann, ekspert gjerman për ekonomikë shëndetësore, me titullin “Përmirësimi i infrastrukturës fizike të institucioneve të kujdesit shëndetësor sekondar dhe terciar””, thuhet në komunikatë.

-Advertisement-

I pari i qeverisë u foli anëtarëve të komisionit edhe për miratimin e Udhëzimi Administrativ për licencim të profesionistëve të huaj shëndetësor.

Sipas tij ky udhëzim do të ketë ndikim të drejtpërdrejtë në jetën dhe shëndetin e qytetarëve.

“Miratimi i Udhëzimit do të ketë ndikim të drejtpërdrejtë në jetën dhe shëndetin e qytetarëve, duke plotësuar ofrimin e shërbimeve që mungojnë ose rrezikojnë të mos ofrohen. Po ashtu, ardhja e profesionistëve të mërgatës do të mundësojë trajnimin dhe aftësimin e profesionistëve vendas për të ofruar këto shërbime në të ardhmen”, thuhet në komunikatën e ZKM-së.

E për arritjen e qëllimit të këtij udhëzimi, Kurti kërkoi hapa konkretë dhe të shpejtë.

“Andaj, anëtarët e Komisionit janë dakorduar që Ministria e Shëndetësisë dhe ShSKUK-ja të nisin menjëherë hapat e nevojshëm për të planifikuar sjelljen e sa më shumë të mjekëve specialistë nga mërgata për dhënie të shërbimeve dhe ofrim të trajnimeve. Kryeministri nënvizoi se jetësimi i kësaj iniciative është çështje urgjente dhe se çdo ditë vonesë është kohë e humbur.”, thuhet në komunikatë./Gazeta Infokus/

Subscribe në YouTube: GAZETA INFOKUSI