Komisioni për Buxhet i dërgon 4 emra për guvernator për votim në Kuvend
Autori: Gazeta inFokus 18:20 | 27 February 2023
Komisioni për Buxhet, Punë dhe Transfere ka shqyrtuar listën e kandidatëve për pozitën e guvernatorit të Bankës Qendrore të Kosovës (BQK). Me këtë rast, katër kandidatë, sipas bordit, i kanë plotësuar kushtet për t’u përzgjedhur në krye të BQK-së.
Ndërkaq, në listën që është dërguar nga paneli, deputetët e partive opozitare patën kritika sa i përket mënyrës se si ka shkuar procesi i përzgjedhjes së guvernatorit. Sipas tyre, paneli ka shkelur ligjin me përzgjedhjen e guvernatorit, derisa të njëjtit kërkuan që ky konkurs të përsëritet.
Kryetari i Bordit të BQK-së dhe njëheresh anëtar i panelit për përzgjedhjen e guvernatorit, Bashkim Nurboja, tha se procesi i përzgjedhjes së kandidatëve për pozitën e guvernatorit të BQK-së është monitoruar nga Ambasada Britanike. Ndërsa ka treguar edhe për procedurën e përzgjedhjes së kandidatëve.
“Për pozitën në fjalë kanë aplikuar gjithsej 17 kandidatë, pas vlerësimeve të CV-së, për intervistim janë ftuar gjithsej 14 kandidatë dhe nga projekti është konstatuar se kandidatët e njëjtë, të 14-të i plotësojnë kushtet për intervistim. Kandidatët që nuk janë ftuar për intervistim janë informuar se nuk janë përfshirë në listën për intervistim. Pyetjet kanë qenë unike për të gjithë kandidatët me qëllim të vlerësimit real në funksion të parimit të barazisë, për të cilën kanë qenë të njoftuar të gjithë kandidatët. Dhe menjëherë pas përfundimit të intervistës së secilit kandidat, paneli ka bërë vlerësimin e kandidatëve, duke dhënë pikët për secilën fushë. Paneli u pajtua që katër kandidatë, të cilët do të marrin më së shumti pikë, do të rekomandohen në Kuvend dhe Qeveri për përzgjedhje. Renditja e kandidatëve të cilët do të dërgohen në Kuvend është vendosur që të bëhet sipas rezultateve të pikëve të kandidatëve, ku maksimumi i pikëve ka qenë 40. Katër kandidatët më të vlerësuar sipas pikëve kanë qenë Ahmet Ismaili, Nexhat Kryeziu, Lulzim Ismajli e Shkëndije Himaj. Kandidatja e katërt dhe ai i pestë kanë pasur pikë të barabarta, por pasi paneli ka vendosur t’i dërgojë 4 kandidatë, i kemi dhënë përparësi në kushte të barabarta gjinisë nën përfaqësim, në këtë rast një gruaje, megjithëse ka edhe arsye tjera”, tha Nurboja.
Kryetari i këtij komisioni, Armend Muja, tha se sa i përket çështjes së barazisë para ligjit kemi një pretendim nga një anëtar se i janë shkelur të drejtat.
“Sa i përket çështjes së barazisë para ligjit kemi një pretendim nga një anëtar se te kjo çështje atyre u janë shkelur të drejtat dhe duhet të kemi edhe në këtë rast një arsyetim pse është marrë ky vendim dhe si ka rrjedhur kjo çështje”, tha Muja.
Edhe deputetja Dude Balje ka kundërshtuar këtë vlerësim të përzgjedhjes së kandidatëve, derisa tha se nuk e përkrah këtë formë të përzgjedhjes.
“Ne kemi marrë komplet listën me pesë kandidatë. Nuk kemi kufizim brenda BQK-së me qenë katër ose pesë kandidatë, nuk ka diçka të tillë në bazë të ligjit. Kemi dy kandidatë me pikë të njëjta, në bazë të ligjit për barazi gjinore jeni të obliguar ta respektoni ligjin. Mendoj se keni shkelur Ligjin për Barazi Gjinore, jam e sigurt. Unë nuk e përkrah këtë raport, sepse Ligji për Barazi Gjinore nuk është për femra, është për barazi. Ju keni shkelur ligjin”, tha Balje.
Deputeti nga PDK, Mërgim Lushtaku ka kundërshtuar këtë mënyrë të përzgjedhjes së guvernatorit.
“Neve na kanë ardhur në adresë edhe ankesat e palëve, në këtë rast e guvernatorit tanishëm dhe kandidat në këtë garë. Pavarësisht asaj në këto kohët e fundit nuk e kam votuar asnjëherë gati raportin e BQK-së, për procedurën që ju keni përzgjedhur dhe formën, metodologjinë, unë do të jem kritik në këtë aspekt. Nëse shohim se kemi vlerësime të ndryshme por një vlerësim se ju thirreni për barazi gjinore për mua nuk pinë ujë hiç. Nëse nuk rikthehet në rivlerësim kjo listë, sigurisht se vota ime do të jetë kundër, dhe do të pamundësoj votimin për të vazhduar më tutje procedurën”, tha Lushtaku.
Deputeti nga LDK, Avdullah Hoti po ashtu tha se kjo përzgjedhje e guvernatorit është kundër ligjit.
“Nëse e shohim letrën që keni dërguar të panelit keni treguar si është zhvilluar procesi dhe keni dhënë poentimin e kandidateve, por nuk ka arsyeshmëri sipas kërkesave të ligjit. Unë vlerësoj se ky konkurs nuk është zhvilluar në përputhje me ligjin, nuk janë plotësuar kërkesat ligjore për tu plotësuar ky konkurs. Nuk ka asnjë diskutim se ligji për barazi gjinore është shkel, duhet t’i përmbahemi ligjit, në çfarë kriteri diskriminohet njëri ndaj tjetrit nëse ka pikë të njëjta”, tha Hoti.
Anëtarja e panelit për përzgjedhjen e guvernatorit, Nora Latifi-Jashari tha se është shumë e rëndësishme barazia para ligjit, duke shtuar se ka pasur edhe dallime tjera mes kandidatëve, dhe siç thotë ajo nuk është zgjedhur vetëm me ligjin e barazisë gjinore.
“Për mua është shumë shqetësuese me dëgju prej deputetëve që “barazia gjinore nuk pinë ujë”, atëherë po i bijën se edhe ligji për barazi gjinore po nga këta ligjvënës ka dalë. Për neve është shumë e rëndësishme barazia para ligjit, pasi ligji nuk e përcakton sa anëtar është dashur të vinë në kuvend. Paneli ka votuar për katër persona, katër emra, andaj tek ne me nënpërfaqësim të grave gjithandej në sektorin publik dhe privat e po ashtu në pozita udhëheqëse është shumë i ulët, andaj për neve është shumë e rëndësishme kjo. Në dy kandidatë me poena të njëjta, ne kemi vendos t’i japim trajtim preferencial në bazë të ligjit për barazi gjinore, nëse hymë në detaje tjera edhe dallimi në vlerësim mes anëtarëve ka qenë jashtëzakonisht i madh, vlerësimi i personit që po diskutoni është i fundit”, tha Jashari para deputetëve.
Në fund nga Komisioni për Buxhet, Punë dhe Transfere është vendosur se raporti duhet të plotësohet me të dhëna duke përfshirë opinionin ligjor dhe pikët e të gjithë kandidatëve./
Të tjera
-
Kurti e Konjufca drekojnë me miqtë e Kosovës: Walker-in, Begaj-n, Mesiq-in e Robertson-in
Kryeministri Albin Kurti, bashkë me kryetarin e Kuvendit, Glauk Konjufca, kan...
-
Haliti: Ibrahim Rugova ka kërkuar azil në Gjermani, thoshin se UÇK-ja do ta vra së nëse vjen në Kosovë
Deputeti i PDK-së dhe një nga figurat kryesore gjatë viteve ’90, Xhavit Halit...
-
Të shtunën në Klinë bëhet zbulimi i lapidarit të heronjve Prënademi
Të shtunën, më 15 qershor, në Dollc të Klinës do të bëhet përurimi i lapidari...
-
Rohde, qeverisë pas reagimit për shpronësimet: Kjo mënyrë e minon edhe më tutje besimin midis komunitetit serb dhe qeverisë kosovare
Ambasadori i Gjermanisë në Kosovë, Jörn Rohde, e ka adresuar reagimin e qever...
-
“Në fund keni me fitu, pasha Zotin e maj ende në tru” – çfarë kishte thënë ambasadori amerikan në Jugosllavi disa vite para luftës në Kosovë
Profesori universitar Milazim Krasniqi tregoi se si nisi ideja e një lëvizje ...
-
Lladrovci vlerëson lartë gazetarët e luftës çlirimtare: Kosova është e bekuar me miq sikur Ju!
Kryetari i komunës së Drenasit, Ramiz Lladrovci, ka vlerësuar lartë, gazetarë...
-
Stoltenberg: NATO do të mbrojë çdo aleat në rast të një sulmi kundër tyre
Sekretari i Përgjithshëm i NATO-s, Jens Stoltenberg u ka premtuar sërish shte...
-
Vd es njëra nga dy të aksidentuarat me motoçikletë në Drenas
Një vetaksident me motoçikletë ka ndodhur të hënën në fshatin Dobroshec të Dr...
-
Haliti: Qëllimi i LPK-së ka qenë që Kosova t’i bashkohet Shqipërisë, por nuk realizohet gjithçka
Deputeti i PDK-së, Xhavit Haliti, ka thënë se qëllimi i organizatës të cilës ...
-
“Mundohen të inskenojnë një konflikt”, Kastrati tregon rrezikun që i kanoset veriut nga “Brigada e Veriut”
Ish-komandanti i Forcës së Sigurisë së Kosovës (FSK), Kadri Kastrati, ka ngri...
-
Stuhi të mëdha në Serbi, dalin pamjet nga atje
Një stuhi e fortë e shoqëruar me rrebeshe të mëdha dhe bubullima goditi një p...
-
Dëbohet kosovari i cili jetonte në Gjermani nga viti 1989
Përveç që kishte mbajtur burg për tregti droge, babai i divorcuar i katër fëm...