Lajme

KMDLNj: Të hetohen rastet e kërcënimeve ndaj Haradinajt, Buzhalës dhe Mirenës

Autori: Gazeta inFokus 10:44 | 19 December 2024

Këshilli për Mbrojtjen e të Drejtave dhe Lirive të Njeriut ka reaguar pas disa kërcënimeve që u bënë këtë javë në rrjetet sociale ndaj dy gazetarëve dhe një politikani, shkruan Gazeta Infokus.

Nga KMDLNJ kanë thënë se nuk ka pasë asnjë reagim zyrtar apo institucional, ose njoftim nga organet e sigurisë për kërcënimet e fundit, që sipas KMDLNj-së, për qëllim kanë frikësimin e veprimit opozitar, atij politik si dhe të gazetarisë.

Në reagimin në fjalë thuhet brenda 24-orëve nga persona me identitet real apo të sajuar janë kërcënuar me vrasje gazetarët Ilir Mirena dhe Berat Buzhala, si dhe ish-kryeministri i Kosovës, Ramush Haradinaj.

-Advertisement-

” Këto kërcënime po ripërsëriten në kohën e fushatave zgjedhore si dhe gjatë proceseve, me rëndësi për Kosovën dhe qytetarët e saj. Përballja joparimore midis pozitës dhe opozitës po krijon një mjedis toksik ku fjala e lirë dhe veprimi opozitar, si të drejta elementare të njeriut e që mbrohen , së paku deklarativisht nga ligji në Kosovë, seriozisht po e rrezikojnë përcaktimin dhe veprimin demokratik për të cilin janë deklaruar pozita dhe opozita”.

“KMDLNj-ë e dënon çdo kërcënim që e rrezikon veprimin politik opozitar dhe të pozitës sikur edhe punën e gazetarëve. Liria e punës, fjalës dhe shprehjes janë të garantuara dhe, si të tilla janë të pacenueshme”, thuhet në njoftim.

Ndër tjera, KMDLNj kërkon hetime të shpejta për rastet në fjalë.

“KMDLNj fton Prokurorinë e Shtetit që të caktojë një ekip emergjent të prokurorëve, sidomos gjatë fushatës që do të reagonte ex-officio kundër kërcënuesve dhe dhunuesve të lirisë së fjalës dhe aktiviteteve politike ndryshe përshkallëzimi o dhunës, fillimisht verbale do të përfundojë me dhunë fizike. Policia e Kosovës ka kapacitete të bollshme profesionale të pengojë dhe arrestojë dhunuesit, pavarësisht se kush janë ata. Politikanët duhet ta respektojnë kodeksin e mirësjelljes duke dhënë kontribut konkret për ulje të tensioneve gjatë fushatës , ditën e zgjedhjeve dhe në kohën e tranzicionit institucional pas zgjedhjeve”.

Subscribe në YouTube: GAZETA INFOKUSI