Mielli që hynte në Kosovë nga shteti serb, shitej këtu me një çmim shumë më të lirë se sa ai i prodhuar në Kosovë.

Në fakt, çmimi ishte aq i lirë, sa prodhuesit kosovarë edhe po të shitnin pa asnjë cent fitim, prapë çmimi do të ishte më i shtrenjtë, shkruan gazeta inFokus.

Kjo, më pas u mor vesh se po bëhet pasi shteti serb, në mënyrë që të marrë tregun e Kosovës e të lë papunë ata që në Kosovë prodhojnë miellin, i subvencionojnë në mënyra të ndryshme prodhuesit serb të miellit, për miellin që e sjellin në Kosovë.

-Advertisement-

Kjo duke bërë konkurrencë jo të barabartë e duke dëmtuar në masë të madhe prodhuesit vendor.

Por, kur kjo u vërejtë nga prodhuesit vendor, bën ankesë në Ministrinë e Tregtisë dhe Indrustrisë, në vitin 2017.

Së pari M&Sillosi e më pas edhe Shoqata e Mullisëve të Kosovës.

E pas një hulumtimi të bërë nga kjo ministri, u morr vendimi anti-dumping, që pavarësisht subvencionimit nga shteti serb, shteti kosovar t’i mbroj prodhuesit e saj.

Në këtë formë iu vendos një tarifë miellit të ardhur nga Serbia prej 4 centësh.

Por, ky vendim i vitit 2017 u anulua nga Rozeta Hajdari, ministrja e Ekonomisë, Tregtisë, Industrisë, Nëdrmarrësisë dhe Investimeve Stratetegjike më datë 30 Mars, shkruan gazeta inFokus.

Ky vendim shfuqizonte vendimin e 3 viteve më parë të Ministrisë së Tretgtisë dhe Industrisë.

Arsyeja e vendosjes së tarifës sipas vendimit të vitit 2017

Në Departamentin e Tregtisë në kuadër të MTI-së me datë 8 prill 2017 është adresuar kërkesa nga kompania për prodhimin e miellit “M&Sillosi”, kërkesë kjo e iniciuar edhe nga Shoqata e Mullisëve të Kosovës me datë 2 qershor, e cila kërkon të mbrohet prodhimi vendor konkretisht mielli, me dyshimin se importohet nga Serbia në Kosovë me çmime më të ulëta se vlera reale e çmimit të tregut, respektivisht nën koston e prodhimit, ku po e rrezikon industrinë prodhuese të miellit në Kosovë në përgjithësi.

Ekipi i Departamentit të Tregtisë në bashkëpunim me Vlerëismin e Detyrieve të Veçanta në Importe, ka përfunduar një hulumtim të detajuar në lidhje me shkresën në fjalë, me qëllim të identifikimit të gjendjes reale të importit të miellit nga Serbia dhe për të konstatuar se a ka dumping në këtë produkt. Për këtë qëllim, ekipi hulumtues bazuar në Ligjini mbi masat anti-dumping dhe masat kundër-balancuese ka shfrytëzuar dy metoda për identifikimin e problemit:

1. Masën e kostove të prodhimit dhe
2. Metodën e vlerës reale të çmimit të tregut”

Kësisoj, pasi vendimi i ri i marsit të 2020-ës e shfuqizoi atë të 2017-ës, Shoqata e Mullisëve të Kosovës, në shenjë revolte por edhe rreziku se mund të mbesin pa tregë, pa punë e pa punëtorë, vendosi që që nga 1 prilli të ndalë prodhimin e miellit./Gazeta inFokus/

Udhëto nga Suedia drejt Kosovës me PrishtinaTickets

Sponsoruar

-Advertisement-