Nesër (e diel) nis kampionati pranveror i Vala Superligës së Kosovës në futboll, shkruan infokusi.

Derbi i kësaj jave padyshim se do të jetë ai ndërmjet FC Prishtinës dhe KF Llapit.

Takim ky i cili nuk ka favorit pasi që do të përballen dy nga skuadrat më të mëdha në futbollin kosovar.

Statistikat e përballjeve të deritanishme flasin shumë.

Prishtina dhe Llapi pas vitit 1999 kanë zhvilluar vetëm 18 ndeshje zyrtare kampionale dhe për Kupë. Edhe pse në 3 ndeshjet e fundit Llapi ka 2 fitore e 1 barazim, bilanci i përgjithshëm është në të mirë të Prishtinës me 9 fitore – 3 barazime e 6 humbje dhe me goldallim plus 13, 31:18.

Nga 18 ndeshjet janë shënuar 49 gola apo 2.72 për ndeshje (Pri 1.72 – 1 Llapi).

Rezultati më i shpeshtë është 3:1 (Pr 2 vendas – Llapi 1 vendas) dhe 2:1 (Pri 1 vendas – Llapi 1 vendas e 1 mysafir).

Prishtina ka fitore të lartë prej 5:0, 4:0 e 4:1, ndërsa Llapi më të lartën 3:0 të fundit në vjeshtë.

31 golat e Prishtinës i kanë shënuar 19 futbollistë dhe tre prej tyre mbi 3 gola (Sheremet Isufi 5 2×2, Shend Kelmendi e Malsor Gjonbalaj 3, ky i fundit një dopio).

18 golat e Llapit i kanë shënuar 15 futbollistë dhe vetëm 2 më shumë se 1 (Enis Zabërxha e Egzon Sinani nga 2).

Prishtinës i kanë prirë 12 trajnerë dhe vetëm 3 mbi një ndeshje (Ajet Shosholli 4, 3-0-1, 9:3; Fadil Berisha 3, 2-1-0, 7:2; Jusuf Tortoshi 2, 1-0-1, 4:1).

Llapit i kanë prirë 7 trajnerë dhe vetëm 2 mbi një ndeshje. Kuptohet trajneri Batatina është rekorder me 10 ndeshje (4-2-4, 13:14) dhe Basri Muqolli 3 (0-1-2, 1:5).

Nga përballja e trajnerëve nuk ka më shumë se 1 ndeshje, përveç Fadil Berishës e Tahir Batatinës në stinorin pranveror të edicionit 2015/16 dhe Berisha ka bilanc pozitiv prej 2 fitore e 1 barazim me goldallim +5, 7:2.

Përballjet pas luftës:

1999/00:
Llapi – Prishtina 0:2 (0:2) Visar Aliu 8’, Kushtrim Munishi 44’
Prishtina – Llapi 5:0 (1:0) Kushtrim Munishi 15’, Malsor Gjonbalaj 53’, 85’,  Burim Berisha 56’, Visar Aliu 60’

2000/01:
Llapi – Prishtina 1:0 (0:0) Arben Azemi 50’
Prishtina – Llapi 4:0 (2:0) Bashkim Patoku 25’, Malsor Gjonbalaj 32’, Sheremet Isufi 80’, 90’

2001/02:
Llapi – Prishtina 0:0
Prishtina – Llapi 4:1 (1:0) Florim Humolli 28’, Uliks Emra 61’, Sheremet Isufi 68’, 84’ – Hysni Veliu 70’

2004/05: 
Llapi – Prishtina 3:1 (2:0) Nelson Neto 12’, Driton Syla 44’, Leandro Silva 82’ – Sheremet Isufi 53’
Prishtina – Llapi 1:0 (0:0) Visar Sermaxhaj 64’

2014/15: Kupa:
Llapi – Prishtina 2:1 (2:1) Dardan Jashari 3’, Mergim Boshnjaku 28’ – Mentor Zhdrella 12’

2015/16: 
Prishtina – Llapi 2:1 (1:1) Shend Kelmendi 8’, Bashkim Shala 71’ – Getoar Dragusha 26’ (pen)
Llapi – Prishtina 2:0 (1:0) Visar Zogiani 6’, Enis Zabërxha 68’
Prishtina – Llapi 3:1 (2:1) Berat Hyseni 10’, Kreshnik Lushtaku 21’, Shend Kelmendi 84’ – Enis Zabërgja 31’
Kupa ½ Prishtina – Llapi 3:0 (0:0) Armend Thaqi 68’ Labinot Osmani (pen) 77’, 90+3’
Kupa ½ Llapi – Prishtina 1:1 (1:0) Egzon Sinani 35’ – Kreshnik Lushtaku 77’

2016/17: 
Prishtina – Llapi 3:1 (0:0) Shend Kelmendi 48’, Ahmed Januzi 60’, Gauthier Mankenda 62’ – Egzon Sinani 71’
Llapi – Prishtina 0:0
Prishtina – Llapi 1:2 (0:0) Basit Abdul Khalid 58’ – Berat Hyseni 72’ (p), Mirlind Daku 82’

2017/18:
Llapi – Prishtina 3:0 (2:0) Gentrit Begolli 7’, Hamdi Namani 24’, Florim Bërbatovci 90+1’. /INFOKUSI.COM

TEB sjellë edhe kartelën prestigjioze VISA Infinite

Sponsoruar