Sport

Këto janë fjalët e Shpëtim Idrizit pas humbjes nga Ballkani

Autori: Gazeta inFokus 15:57 | 10 December 2020

Ballkani mposhti Trepçën ’89 me rezultat 2-0 në ndeshjen që u zhvillua në kuadër të jvës së 17-të, shkruan Gazeta inFokus.

Golat për suharekasit i shënuan Edvin Kuç dhe Nazmi Gripshi.

Pas kësaj përballje, për Art Sport ka folur trajneri i mitrovicasve, Shpëtim Idrizi, i cili është shprehur i lumtur me paraqitjen e ekipit të tij.

-Advertisement-

“E kemi ditur që do jetë një përballje e vështirë duke marrë parasysh që kemi të bëjmë me një skuadër të fortë si Ballkani. Pavarësisht kundërshtarit, ne bëmë një lojë shumë të mirë dhe të pjekur deri në momentin e lëndimit të lojtarit tonë Ervin Kaçar”.

“Në momentin kur doli ai nga loja, u prish struktura e lojës në defensivë dhe me pakujdesi në të dy golat erdhëm tek humbja”.

“Jam i kënaqur me angazhimin dhe lojën e skuadrës. mund të merrnim ndoshta një pikë, por ky është futbolli tha Idrizi”.

Sfidën e radhës 89-shi e pret Drenicën në Mitrovicë./Gazeta inFokus/

Subscribe në YouTube: GAZETA INFOKUSI