Lajme

Këto janë arsyet se pse po refuzohen kaq shumë vota nga diaspora

Autori: Doresa Geci 13:00 | 22 February 2021

Mbi 7 mijë e 600 vota të cilat kanë ardhur deri me tani nga diaspora në Kosovë janë refuzuar.

E një gjë tillë sipas Organizatës “Germin” është duke u bërë në bazë të legjislacionit në fuqi për zgjedhje, shkruan Gazeta Infokus.

Sipas drejtorit të kësaj organizatës, Lirim Krasniqit, procedurat e ndërlikuar dhe koha e shkurtë ka bërë që një pjesë të madhe të iu refuzohen votat.

-Advertisement-

“Përmes vëzhguesve tanë në Qendrën e Numërimit dhe Rezultateve, kemi vërejtur numër të madh të refuzimeve të votuesve nga jashtë Kosovës. Gjithsesi, të paktën deri me tani, refuzimet janë bere bazuar ne legjislacioni ne fuqi për zgjedhjet. Por, ajo çka mund te themi është se një pjese e madhe e votuesve nga jashtë Kosovës, po refuzohen për shkak të te qenit të paregjistruar për votim nga jashtë, dhe kjo është shqetësuese dhe tregon qe procedurat e ndërlikuara dhe afatet e shkurtra kane ndikuar negativisht për votuesit nga diaspora”, ka thënë Krasniqi për Gazetën Infokus.

Krasniqi ka treguar edhe pese arsyet kryesore se pse janë refuzuar kaq shumë vota nga diaspora.

“Nuk ekzistojnë në periudhën e aplikimit, janë refuzuar në periudhën e aplikimit, të pa identifikueshëm, kanë dërguar dokumente jo valide, kanë dërguar fletëvotime 2 herë”, ka deklaruar ai

Kujtojmë që deri me tani KQZ ka aprovuar 18 mije e 731 vota që kanë ardhur nga jashtë Kosovës./Gazeta Infokus/

Subscribe në YouTube: GAZETA INFOKUSI
E treta e verteta, shpallet fituesi I trete I Lojes Shperblyese se Artmotion?

Të tjera

Fokusi

lajme