Lajme

Këshilli i prindërve të shqetësuar për sigurimin e librave, kanë disa kërkesa për MASHT-in

Autori: Gazeta inFokus 20:32 | 23 August 2023

Kryesia e Këshillit të Prindërve të Kosovës (KPK)  ka mbajtur mbledhjen e radhës, për të diskutuar për çështjen e (mos)shpërndarjes së teksteve shkollore nga Ministria e Arsimit Shkencës dhe Teknologjisë (MASHT) për nivelin e klasave I-IX sipas metodologjisë së viteve paraprake.

“Në këtë takim kryesia diskutoi lidhur me gjendjen në të cilën ndodhemi pas njoftimit publik të Ministres znj. Arbërie Nagavci se negocimi për sigurimin e teksteve shkollore ka dështuar, dhe si opsion tjetër për sigurimin e tyre është rimbursimi i shpenzimeve për prindërit përmes platformës e-Kosova. Këshilli i Prindërve të Kosovës shpreh pakënaqësinë lidhur me vonesat që janë duke ndodhur në procesin e sigurimit të teksteve shkollore, dhe është skeptik se një gjë e tillë mund të realizohet deri me 1 shtator të vitit 2023″, thuhet në njoftim.

Duke ditur, se tani jemi në një gjendje të re, ku na ndanë vetëm një javë nga fillimi i vitit të ri shkollor, KPK kërkon nga MASHT-i:

-Advertisement-

– Të merren të gjitha veprimet e nevojshme që të gjithë nxënësit me 1 shtator të këtij viti të jenë të pajisur me tekste shkollor;

– Çmimi i librit të jetë publik dhe uniform në tërë territorin e Kosovës;

– Kërkojmë nga Ministrja që të sigurohen libra edhe për nivelin e klasave VI-IX;

– Kërkojmë nga organet kompetente që të bëjnë me kohë informimin e duhur dhe të saktë për listën e librave që do të aplikohen në secilën klasë.

Duke pasur parasysh problemet që mund të ndodhim me procesin e rimbursimit, KPK rekomandon dhe kërkon nga MASHT-i, që:

– Të krijohet një alternativë e shpërndarjes së librave në atë formë, që prindi të mund t’i marr librat pa pasur nevojë për pagesë, ndërsa Ministria t’i kryej obligimet shtëpive botuese për të gjitha librat e marrë.

Subscribe në YouTube: GAZETA INFOKUSI
Aeroporti “Adem Jashari” ka një kërkesë për udhëtarët që kanë humbur valixhet e tyre
-Advertisement-

Të tjera

Fokusi

lajme