Lajme

Enver Hoxhaj uron ShBA-në në Ditën e Pavarësisë: Aleati ynë më i rëndësishëm në botë

Autori: Gazeta inFokus 10:24 | 04 July 2025

Në 249-vjetorin e Pavarësisë së Shteteve të Bashkuara të Amerikës, deputeti i Kuvendit të Kosovës dhe ish-ministri i Jashtëm, Enver Hoxhaj, ka shprehur urimet më të përzemërta për aleatin kryesor të Kosovës – SHBA-në, shkruan Gazeta Infokus.

Përmes një postimi në rrjetet sociale, Hoxhaj ka theksuar lidhjen e veçantë mes dy kombeve, duke e cilësuar Amerikën si aleatin më të rëndësishëm të vendit tonë në skenën ndërkombëtare.

“Urime Dita e Pavarësisë aleatit tonë më të rëndësishëm në botë – Shteteve të Bashkuara të Amerikës. Mirënjohja dhe dashuria e popullit të Kosovës për ShBA-në nuk do të shuhet asnjëherë,” shkroi ai, duke shoqëruar mesazhin me flamujt e dy vendeve 🇺🇸🇽🇰.

-Advertisement-

Hoxhaj është një nga zërat politikë që në vazhdimësi ka vlerësuar rolin historik dhe diplomatik të SHBA-ve në procesin e çlirimit, shtetndërtimit dhe forcimit të pozitës ndërkombëtare të Republikës së Kosovës.

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme