Ngritje rekord e vlerave të kriptovalutave, po shënohen në vazhdimësi në treg. Kjo vlerësohet si rezultat i fitores së Donald Trump, si president i SHBA-së, i cili premton mbështetje për këtë treg. Rrjedhimisht, kërkohet që edhe shteti i Kosovës, ta kthejë vëmendjen kah tregu i parave elektronike.

Për herë të parë, vlera e një Bitcoin ka tejkaluar shifrën prej 100 mijë euro.

Tregu i parave elektronike, ka pësuar lëvizje të mëdha, që nga koha e fitores së Donald Trump, si president i SHBA-së.

Ai edhe gjatë fushatës zgjedhore, kishte premtuar mbështetje për këtë treg.

Rritja e vlerës së këtyre llojeve të parave, vlerësohet se vjen nga sasi e limituar e tyre dhe interesimi i shteteve për t’i poseduar ato.

“Arsyeja pse ngritet çmimi i Bitcoin, është se sasia është e limituar. Kanë me u prodhu 21 milionë Bitcoin në total, nëse dojmë me pasë secili nga një, nuk kemi mundësi. As 0.0001, por shtet kanë mundësi me e bo si valutë të botës, në mënyrë që mos me pasë fuqinë asnjë shtet, me e kontrollu shtetin tjetër….Një milion euro më u bë një Bitcoin brenda vitit 2025, nuk është çmim i madh, përderisa tash shtetet janë duke investuar, e nuk jemi duke investuar ne, si njerëz të thjeshtë”, thotë Milot Mehmeti, ekspert i kripotovalutave

Kësisoj, edhe vëmendja e shtetit të Kosovës duhej të kthehej nga tregu i parave elektronike.

“Është dashur shumë më herët, edhe tash nuk është vonë. Është dashur për shkak se ne e kemi, shumicën e popullsisë rini, edhe janë të gjithë që marrin pjesë në internet dhe kompjutera. Edhe gjithë kanë pasur mundësi me qenë pjesë e këtij tregu. Domethënë pa marrë parasysh kush je, nuk të duhet llogaria bankare. Por, vetëm një telefon dhe aplikacion, edhe mundesh me investu në kripto”, thotë Mehmeti.

Nga nëntori i këtij viti, ka hyrë në fuqi ligji për kriptovalutave në Kosovë.

Mëgjithatë, përmbajtja e tij vlerësohet se ka mangësi.

“Përfitimet e exchange-eve nga konsumatorët e Kosovës, sa e paguajnë tatimin, a obligohen ata me pagu tatim. Mundet me ardhë një kompani ose disa persona me bo një kriptovalutë, me i marrë para disa njerëzve të caktuar edhe me u zhdukë, edhe qekjo nuk është e rregullume. Nuk është e rregullume as pjesa e ligjit, e cila e qartëson që deputetët ose personat me imunitet, a kanë kriptovaluta, qato adresa që i raportojnë ata, a janë reale, a janë të tyre, sa herë i lëvizin e sa fitojnë prej tyre”, thotë Granit Kadolli, ekspert i kriptovalutave

Disa nga deputetët e Kuvendit të Kosovës, në deklarimet e përvitshme të pasurisë, kanë deklaruar edhe investimet e tyre në kriptovaluta.

MYZHDE për krejt!

Sponsoruar