Sport

Kërkesat e Mbappes për PSG-në

Autori: Gazeta inFokus 14:17 | 07 November 2018

Paris Saint-Germaini e fitoi betejën kundër Real Madridin për transferimin e yllit francez, Kylian Mbappes, gjatë afatit kalimtar të verës së vitit 2017, por atyre iu nevojit edhe më shumë fuqi për të negociuar me lojtarin.

Super ylli adoleshent kishte bërë një listë të kërkesave gjatë kohës kur ai ishte duke e planifikuar transferimin e tij nga Monaco në PSG. Disa nga këto kërkesa të francezit, PSG-ja u detyrua t’i refuzojë.

Sipas artikullit të gazetës gjermane Der Spiegel, të cilët janë duke i publikuar disa artikull të ndryshëm për futbollin nën titullin Football Leaks, Mbappe kishte kërkuar një klauzolë në kontratën e tij, ku specifikohej se ai do të bëhej lojtari më i paguar në skuadër nëse do ta fitonte Topin e Artë.

-Advertisement-

Ai kërkonte që paga e tij të rritej sa e Neymarit, 30 milionë euro, por kjo kërkesë e tij nuk u aprovua nga drejtuesit e Real Madridit dhe në vend të kësaj ata u pajtuan që Mbappe do ta merrte një bonus prej 500 mijë eurove nëse e fitonte Topin e Artë.

Stafi menaxherial i kampionit francez i refuzoi edhe disa kërkesa të tjera të francezit, përfshirë këtu edhe kërkesën ai të marrë dëmshpërblim financiar nëse PSG-ja eliminohet nga Liga e Kampionëve, si ndëshkim për shkeljen e rregullave të transferimeve, Financial Fair Play.

Mbappe kishte kërkuar edhe ta kishte një aeroplan privat në dispozicion për 50 orë përdorim personal brenda vitit, mirëpo edhe kjo kërkesë u mohua.

PSG-ja u pajtua që t’ia paguante Mbappes 30 mijë në muaj për t’ia mbuluar shpenzimet për qiranë e banimit, tre punëtorë personal, një shërbëtor, një vozitës dhe një roje sigurimi.

Subscribe në YouTube: GAZETA INFOKUSI