Shëndetësi

Keni probleme me ereksionin: shkaktari mund të jetë aty ku më së paku ju shkon mendja

Autori: Gazeta inFokus 16:07 | 02 May 2018

Prandaj, meshkuj, kini mendjen dhe kujdesuni për shëndetin tuaj.

Disfunksioni erektil është shumë më i shpeshtë te meshkujt të cilët vuajnë nga infeksionet kronike të mishit të dhëmbëve apo parodontitisi, transmeton Telegrafi.

Ky është infeksion shumë i shpeshtë i cili shkakton rënien e dhëmbëve, por është ngushtë i lidhur edhe me sëmundjet kardiovaskulare, të cilat shkaktojnë uljen e elasticitetit të venave, gjë që si përfundim mund të shkaktojë çrregullimin e quajtur disfunksion erektil.

-Advertisement-

“Ende është herët të konstatohet se meshkujt me paradontitis kronik duhet të kujdesen për ereksionin e tyre, mirëpo është me rëndësi të informoheni që ajo sëmundje është e lidhur me disfunksionin erektil”, thotë autori i studimit dr. Zhigang Zhao.

Në hulumtim janë analizuar të dhënat e pesë studimeve të mëparshme në të cilat kanë marrë pjesë 213.000 meshkuj të moshës nga 20 deri në 80 vjeç.

Është konkluduar që problemet me ereksionin kanë qenë 2,28 herë më të shpeshta te meshkujt me parodontitis, se sa te ata të cilët nuk vuajnë nga kjo sëmundje.

Më të rrezikuarit kanë qenë meshkujt më të rinj se 40 dhe ata të moshës 59 vjeç.

Shërimi i plotë i mishit të dhëmbëve dhe kujdesi për të mund të mbrojnë jetën e mirë seksuale dhe t’ju bëjë juve që të mos keni problem me ereksionin.

Shkaku kryesor për paraqitjen e parodontopatisë është shtresa e butë dhe e verdhë e dhëmbëve në të cilën shumohen bakteriet nga zbrazëtia e gojës me mbetjet nga ushqimi.