Shëndetësi

Këmbët filluan t’i rridhnin gjak pa pushim teksa notonte në det, mjekët nuk i japin shpjegim (Foto)

Autori: Gazeta inFokus 13:48 | 07 August 2017

Një adoleshent në Melburn në Australi ka pësuar dhjetëra kafshime në këmbë dhe gjakderdhja nuk kishte të sosur teksa ai nuk e ndjente se po notonte.

Sam Kanizay, 16 vjeç, tregoi se sapo kishte futur këmbët në ujë kishte ndjerë ndjesinë e shpimit, por pa i kushtuar rëndësi pasi mendonte se kjo vinte si shkak i lëndimit të këmbëve gjatë lojës së futbollit në rërë.

Por pas daljes nga uji rreth 30 minuta më vonë, ai pa këmbët e tij që ishin të mbuluara me gjak. Instinkti im i parë ishte se mund të më kishte hyrë ndonjë gjemb, por e kuptova që nuk ishte ajo pasi plaga ishte shpërndarë në mënyrë të barabartë në gjithë këmbën”tha ai.

-Advertisement-

Pasi përpjekjet për të ndaluar gjakderdhje ishin të pasuksesshme, adoleshenti kaloi fundjavën e tij në dy spitale të ndryshme, ku mjekët gjithashtu u përpoqën dhe nuk arritën të ndalonin gjakderdhjen nga plagët.

Babai i Samit, Jarrod, tha se plagosja e djalit të tij ‘e mahniti’ gjithë stafin që punonte në sallën e urgjencës në spitalin Sandringham.

“Ata ishin të gjithë duke kërkuar në Google, duke hipotetizuar se çfarë ndodhi”, tha ai. “Ata kishin shumë hipoteza të ndryshme, por ende asgjë.” Kanizay i tha Daily Mail, Australi, të dielën mbrëma se gjakderdhja më në fund u ndal dhe ai kishte shpresa të mëdha për një shërim të shpejtë dhe të plotë. “Sam është një fëmijë stoik, kështu që ai do të jetë mirë”, tha ai.