Lajme

Katër të rinj shqiptarë humbin jetën në një aksident komunikacioni në Serbi

Autori: Gazeta inFokus 16:57 | 27 December 2021

Katër të rinj shqiptare kanë vdekur mbrëmjen e te shtunës në një aksident automobilistik që ka ndodhur në rrugën kryesore Novi Pazar – Ribaric.

Ndërsa dy persona të tjerë kanë mbetur të lënduar.

Sipas informacioneve te mediave serbe të gjithë të vdekurit ndodheshin në një veturë të markës “Volkswagen Golf”, me targa të Kraljevës, e cila është përplasur drejtpërdrejt me një automjet të së njëjtës markë.

Aksidenti ka ndodhur për shkak të shpejtësisë së parregulluar dhe rrëshqitjes së rrugës, ku janë përfshirë tre automjete.

Mesohet se viktima janë: Amel Ibrahimi (21), Mithat Hami (23), Senad Derlek (22) dhe Amar Ujkani (21).

Novi Pazari ka shpallur ditë zie ditën e hënë.

Të tjera