Sport

Ka fituar besimin e Ancelottit, talenti i Real Madrid zbulon “sekretin” pas stërvitjeve individuale

Autori: Gazeta inFokus 11:28 | 25 April 2023

Këtë sezon, Eduardo Camavinga është shndërruar në një prej titullarëve të trajnerit Carlo Ancelotti te Real Madrid. Italiani i beson 20-vjeçarit, madje duke e aktivizuar edhe në linjën e majtë të mbrojtjes pavarësisht se pozicioni natyral i Camavingës është ai i mesfushorit.

Megjithatë, francezi e ka justifikuar totalisht besimin e trajnerit teksa në ndryshim nga sezoni i kaluar, këtë sezon gëzon një rritje në aspektin fizik. Por, në futboll asgjë nuk është e rastësishme dhe së fundmi, Camavinga zbulon se është duke punuar me një trajner personal në mënyrë që të jetë gjithnjë në kondicionin e duhur fizik.

“Duke pasur një trajner personal që më ndihmon në aspektin fizik, performanca në fushë është përmirësuar. Më ka ndihmuar shumë pasi unë flas hapur me të dhe i tregoj ato aspekte në të cilat kam nevojë t’i ndryshoj parametrat. Një tjetër “sekret” është edhe ai i të punuarit me dritat.

-Advertisement-

Vendosem në qendër dhe dritat ndryshojnë vazhdimisht e duhet të orientohem në kohën e duhur, kjo më ndihmon më pas që në fushë të bëj zgjedhjet e duhura. Është shumë e rëndësishme që fillimisht ta kontrollosh lojën me shikim dhe të mbledhësh informacion. Në fushë duhet të mendosh, të kuptosh lëvizjen e shokëve të skuadrës dhe kundërshtarëve dhe më pas të veprosh”, u shpreh Camavinga.

Subscribe në YouTube: GAZETA INFOKUSI
Thyhet REKORDI I ZBRITJEVE!

Të tjera