Sport

Juventusi mposhtë Crotonen, Ronaldo protagonisti kryesor i ndeshjes

Autori: Gazeta inFokus 22:44 | 22 February 2021

Pas humbjes nga Napoli, Juventusi është kthyer te fitorja në kampionat, shkruan Gazeta inFokus.

‘Zonja e Vjetër’ e ka mposhtur Crotonen me rezultat 3-0, në sfidën e vlefshme për xhiron e 23-të në Serie A.

Në takimin e zhvilluar në ‘Allianz Stadium’ në Torino, Cristiano Ronaldo ishte protagonisti kryesor i ndeshjes.

Sulmuesi portugez realizoi dy gola të bukur me kokë në këtë përballje, ndërsa golin e tretë e shënoi Weston McKennie.

Ronaldo golat i realizoi në minutat 38’ dhe 45+1’, kurse McKennie shënoi në minutën e 66’.

Pas kësaj fitoreje, Juventusi renditet i treti me 45 pikë, kurse Crotone mbetet e fundit me vetëm 12 pikë të arkëtuara.

Ndeshjen e radhës ‘biankonerët’ e luajnë në udhëtim te Verona, kurse Crotone e pret Cagliarin./Gazeta inFokus/

Të tjera