Sport

Josa: Duhet të jemi serioz në çdo ndeshje…

Autori: Gazeta inFokus 19:21 | 26 September 2017

Trajneri i Prishtinës, Mirel Josa, do të kërkojë fitoren e parë nën drejtimin e Prishtinës.
Ai nesër në stadiumin “Rexhep Rexhepi” luan ndaj Feronikelit, në kuadër të javës së shtatë të Vala Superligeës.
Pavarësisht se ndeshja luhet në Drenas, në stadiumin e Feronikelit, Prishtina llogaritet vendase, pasi ndeshjet si mikpritës ka zgjedhur t’i luajë në këtë stadium.

“Ne duhet të kemi parasysh që të jemi serioz në çdo ndeshje, një seriozitet që deri diku më treguan në ndeshjen me Gjilanin, pavarësisht se ajo doli baras”, thotë në fillim Josa për faqen zyrtare të Prishtinës, raporton GazetaOlle.

“Më intereson disiplina taktike në skuadër dhe unë them që na pret ndeshje e vështirë, sepse Feronikeli është skuadër e mirë organizuar pavarësisht rezultateve që kanë pasur në fushën e vetë dhe nuk do të thotë që çdo gjë do të jetë e lehtë për ne. Kështu që serioziteti që kemi do të bëjmë të dalim me sukses”, shtoi ish-trajneri i Tiranës dhe Skënderbeut.

-Advertisement-

Ai ka theksuar se nuk guxojnë të bëjnë hapa fals.
“E dimë që renditja është e ngjeshur, qoftë lartë apo poshtë tabelës, kështu që ne do të eliminojmë se s’bënë, hapat fals. Na presin dy ndeshje të vështira, por në fillim do të mendojmë vetëm për Feronikelin”, ka thënë kryetrajneri, Mirel Josa.
Prishtina ka mungesën e Lorik Maxhunit të pezulluar dhe Basid Khalidit, i cili ende nuk dihet nëse do të startojë.

Subscribe në YouTube: GAZETA INFOKUSI