Sport

Jashtë fushës prej nëntorit të kaluar, Bale humbet muskujt dhe habit tifozët

Autori: Gazeta inFokus 07:09 | 01 February 2022

Tre sezonet e fundit kanë qenë shumë të vështirë për Gareth Bale, me uellsianin që është jashtë planeve të Real Madrid, ndërsa sulmuesi duket sikur ka hequr dorë edhe nga jeta e profesionistit.

Teksa mungon prej muajit nëntor të vitit të kaluar si pasojë e një dëmtimi, nga fotot e fundit kuptohet se 32-vjeçari e ka lënë pas dore përkujdesjen ndaj fizikut. Me anë të një foto të vitit të kaluar, shihet qartë ndryshimi për keq në trupin e Bale, teksa tashmë muskujt e dikurshëm janë zhdukur ndërsa në këtë pikë mund të ketë ndikuar edhe infektimi me COVID-19.

Sakaq, në klubin madrilen janë duke pritur fundin e sezonit për të ndarë përfundimisht rrugët me Bale teksa ai tashmë nuk është më një mundësi për trajnerin Carlo Ancelotti, edhe pse italiani është shprehur se e mirëpret rikthimin e tij si një opsion më tepër për skuadrën.

-Advertisement-

Në këtë sezon, pas rikthimit nga huazimi te Tottenham, Bale është aktivizuar në vetëm tre ndeshje për Los Blancos për t’u ndalur më pas nga dëmtimet dhe problemet muskulore të njëpasnjëshme.