Skuadra e Prishtinës ka shënuar fitore shumë të rëndësishme në udhëtim të Llapi me rezultat 2-0, në sfidën e zhvilluar në kuadër të xhiros së 14-të në Superligë, shkruan Gazeta inFokus.

Në duelin e zhvilluar në stadiumin ‘Zahir Pajaziti’ në Podujevë, golat për kryeqytetasit i realizuan Endrit Krasniqi dhe Leotrim Kryeziu.

Pas ndeshjes ‘bardhekaltërit’ e kanë quajtur fitore të ëmbël triumfin ndaj llapjanëve.

“Fitore e ëmbël në Podujevë 👌😉👏”, ka shkruar faqja zyrtare e Prishtinës në rrjetin social facebook.

Pas kësaj fitoreje Prishtina renditet e katërta me 21 pikë./Gazeta inFokus/