Lajme

Iu dha lamtumira e fundit ish-pjesëtarit të UÇK-së që vdiq tragjikisht në Austri

Autori: Gazeta inFokus 19:07 | 08 April 2023

Familjarë e të afërm, bashkëluftëtarë, miq dhe qytetarë të shumtë, sot në varrezat e veteranëve të luftës, i dhënë lamtumirën e fundit, bashkëluftëtarit, të riut 44-vjeçar, Arben Osës nga Rahoveci, i cili humbi jetën tragjikisht, në vendin e tij të punës në Austri.

Kryetari i Komunës së Rahovecit, Smajl Latifi ka shkruar se Arbeni do të jetojë gjatë në kujtimet tona dhe brezave pas nesh, sepse e gjallë dhe e pavdekshme është vepra e tij si luftëtar i UÇK-së dhe pjesëtar i Batalionit Gardist “Besim Ndrecaj” në Zonën e Dytë Mbrojtëse të TMK-së.

“Ngushëllime të gjithë të pikëlluarve. I përjetshëm kujtimi, për ty Arben Osa. E paç të lehtë dheun e tokës arbërore. Lavdi”, ka shkruar ai.

-Advertisement-

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme