Lajme

Infermieret e dyshuara për dhunën ndaj të moshuarës dalin para gjykatës

Autori: Gazeta inFokus 15:32 | 03 November 2022

Tri të dyshuarat për sulmin ndaj të moshuarës në shtëpinë e pleqve në Pejë, të enjten kanë dalë para gjykatës.

Ato shihen se janë nën përcjelljen e policisë.

Derisa sot u raportua se katër infermiereve që ishin të përfshira në këtë rast i është hequr edhe licenca.

-Advertisement-

Njoftimi i plotë i Odës së Infermierëve të Kosovës:

U mbajt takimi urgjent me Prokurorin, Këshillin Etik, dhe Kryetarin e OIK

Sot me datë 03.11.2022 me fillim nga ora 11:00 u mbajt takimi urgjent i Prokurorit të OIK, Këshillit Etik dhe Kryetarit të OIK në lidhje me ngjarjet e fundit të cilat kanë ndodhur diten e djeshme në lidhje me ushtrimin e dhunës nga 4 infermiere ndaj një gruaje të moshuar në Shtëpinë e Pleqëve “Orenda” në Pejë, në të cilin u nxorr vendim për tërheqje e Licencës dhe fshirje e Profesionistëve Shëndetësor nga regjistri i OIK për anëtarët:

Aurona Pelaj me numër të anëtarësisë OIK-1033/22, profili shëndetësor “Bachelor i Shkencave në Infermieri” numër të licencës KO-37133/A-06-20

Altina Rexhepi me numër të anëtarësisë OIK-279/21, profili shëndetësor “Bachelor i Mamisë” me numër të licencës KO-32611/A-06-1

Giltiana Neziri me numër të anëtarësisë OIK-1376/19, profili shëndetësorë “Infermiere e Përgjithshme”;

Remzije Kuqi – Gashi me numër të anëtarësisë OIK-7262/18, profili shëndetësorë “Teknik i Mjekësisë” me numër të licencës KO-27194/A-05-20.

Arsyetim

Këshilli Etik me propozim urgjent të Prokurorit të OIK si dhe duke u mbështetur në Raportin e Inspektoratit Shëndetësorë të Kosovës me Nr. Prot 05-3044 të datës 03.11.2022, nxori vendimin si në dispozitiv.