Lajme

India konfirmon vdekjen e parë nga lija e majmunëve/ Në rrezik infektimi kontaktet që 22 vjeçari ka pasur

Autori: Gazeta inFokus 14:18 | 01 August 2022

India ka konfirmuar vdekjen e saj të parë të shkaktuar nga lija e majmunëve në shtetin jugor të Kerala.

Një 22-vjeçar, i cili së fundmi kishte udhëtuar drejt shtetit nga Emiratet e Bashkuara Arabe, ka ndërruar jetë të shtunën.

Ministri i Shëndetësisë në Kerala, Veena George tha se i riu fillimisht kishte rezultuar pozitiv me virusin jashtë vendit, shkruan BBC.

-Advertisement-

Më pas me mostrat e testuara pas vdekjes së tij, u zbulua shkaku i vdekjes së tij.

Njëzet kontakte që viktima ka pasur janë kategorizuar si “rrezik të lartë” dhe se duhet të izolohen.

Këtu përfshihen miqtë e tij, familja dhe nëntë persona me të cilët ka luajtur futboll kohët e fundit.

Organizata Botërore e Shëndetësisë (OBSH) e shpalli shpërthimin e lisë së majmunëve një emergjencë globale shëndetësore muajin e kaluar.

Pas vdekjes së të riut në Kerala, qeveria vendase formoi një komitet të nivelit të lartë për të shqyrtuar raportet mjekësore.

22-vjeçari kishte ethe, nyjet limfatike të fryra dhe trup të skuqur në momentin që është shtruar në spital privat më 27 korrik.

Gjendja e tij u përkeqësua shpejt në spital dhe çdo gjë rreth diagnozës u vërtetua në momentin që Institutin Kombëtar të Virologjisë konfirmoi linë e majmunëve.

India ka raportuar katër raste të lisë së majmunëve deri më tani, tre në Kerala dhe një në kryeqytetin, Delhi.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

lajme