Lajme

INDEP publikon raportin e parë të monitorimit të Pakos së Ringjalljes Ekonomike

Autori: Gazeta inFokus 16:40 | 21 December 2021

Instituti për Politika Zhvillimore (INDEP), në kuadër të projektit “Rimëkëmbje për Qëndrueshmëri” ka publikuar raportin e monitorimit të masave të Pakos së Ringjalljes Ekonomike.

Ky raport trajton nivelin e zbatimit të masave të kësaj pako, proceset e kaluara dhe aktuale si dhe fazat në të cilat po kalon implementimi i pakos, shkruan Gazeta Infokus.

Përmes një njoftimi INDEP ka bërë të ditur se gjithsej janë 25 nënmasa në pesë masa kryesore.

-Advertisement-

Gjithashtu është bërë e ditur se një pjesë e masave kanë filluar zbatimin, kurse shumë prej tyre ende nuk kanë filluar të implementohen.

“Gjithsej janë 25 nënmasa të përmbledhura në 5 masa kryesore. Nga këto 25 nënmasa, 15 kanë filluar të zbatohen ndërsa pjesa tjetër ende nuk ka filluar zbatimin apo nuk është operacionalizuar”, thuhet në njoftimin e INDEP-it.

Ata vlerësojnë se zbatimi i të gjitha masave në një të ardhme të afërt do të ndikonte në përmirësimin e dëmeve dhe do të lehtësonte procesin e rimëkëmbjes ekonomike nga pandemia./Gazeta Infokus/

Për të lexuar raportin e plotë klikoni këtu: https://indep.info/wp-content/uploads/2021/12/BTD_INDEP-Raporti-i-Monitorimit_ALB

Subscribe në YouTube: GAZETA INFOKUSI