Sport

Inate të reja të Barça, Pike është kundër Mesit

Autori: Gazeta inFokus 13:56 | 03 October 2018

Vetëm një pikë në dy ndeshjet e fundit. Numra të ftohtë për një skuadër si Barcelona, edhe pse kryeson renditjen. Në Spanjë janë të sigurt se Barcelona zien nga brenda, pasi ka divergjenca mes lojtarëve. Sipas “El Chiringuito”, ka një divorc total mes Zherard Pike dhe Lionel Mesit. Mbrojtësi katalanas nuk e pranon faktin që Mesi nuk del hapur në situata të vështira dhe flet me shtypin vetëm kur është jashtë Europës, veçanërisht gjatë grumbullimeve me Argjentinën. Kohët e fundit “Pleshti” ka lëshuar akuza për mbrojtjen, duke theksuar se skuadra pëson shumë gola. Një atmosferë aspak e mirë te Barcelona, aq më tepër në prag të ndeshjes së nesërme në Champions League me Totenhemin.