Lajme

Ibrahimi: Asociacioni i Komunave të Kosovës po shpërfillet nga Qeveria Kurti

Autori: Gazeta inFokus 18:34 | 09 August 2023

Drejtori ekzekutiv i Asociacionit të Komunave të Kosovës, Sazan Ibrahimi, ka bërë të ditur se AKK nuk është ftuar dhe nuk ka marrë pjesë në takimin e grupit punues për hartimin e udhëzimit administrativ për largimin e kryetarëve në komunat veriore.

Në një lidhje direkte në emisionin Info Magazine në Klan Kosova, ai ka thënë se Asociacioni i Komunave të Kosovës është duke u shpërfillur nga Qeveria Kurti.

“AKK nuk ka qenë i ftuar dhe nuk ka qenë pjesë e këtij grupi punues për hartimin e këtij udhëzimi administrativ. Nuk e di se kush e ka thënë këtë, mirëpo asociacioni as nuk ka pranuar ftesë, por as nuk ka qenë i përfaqësuar në këtë grup punues”, ka thënë Ibrahimi.

-Advertisement-

“Po më duket që është bërë një lloj zakoni në këtë qeveri që komunat mos të ftohen në grupe punuese ku kanë të bëjnë me kompetenca dhe përgjegjësi në lidhje me buxhetin e komunave”, ka shtuar ai.

Sipas tij, kjo nuk është hera e para që ministritë e kësaj qeverie nuk e ftojnë asociacionin që të merr pjesë në grupe punuese.

“Kjo tash është bërë si trend i dikastereve në qeveri që kryetarët e komunave të anashkalohen në konsultat sa i përket akteve ligjore, nënligjorë të cilat i prekin në mënyrë të drejtpërdrejtë kryetarët e komunave. Pra është bërë si zakon që kryetarët e komunave të shihen si opozitë, këtë e ka theksuar edhe kryeministri Kurti”, ka shtuar ai.

Tutje, ai ka thënë se kërkesat që burojnë nga kryetarët e komunave përmes AKK nuk janë duke u marrë parasysh dhe sipas tij, edhe kuptimi i këtyre takimeve me nivelin qendror është duke humbur.

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

lajme