Gjiganti metalurgjik Trepça konsiderohet si një prej aseteve më me vlerë në Kosovë.

Por, tashmë ajo thuajse është e ndarë në dy pjesë, në njërën në jug dhe tjetra në veri të vendit e cila është nën menaxhim të AKP-së, por udhëhiqet nga serbët e asaj ane, shkruan gazeta Infokus.

E derisa shpesh nuk kanë munguar kritikat e akuzat për Trepçën në anën jugore se ajo më shumë harxhon se sa krijon fitim, investimet nga Buxheti i Republikës së Kosovës, nuk mungojnë për të dy anët, veçmas nga njëra tjetra.

-Advertisement-

Në fakt, prej fillimit të këtij viti e deri në momentin e publikimit të shkrimit, Treppca që udhëhiqet nga serbët, në veri të vendit, Buxhetit të shtetit i ka kushtuar hiç më pak se 3 milionë e 227 mijë euro.

Nga një hulumtim i bërë nga gazeta Infokus, shihet që prej kësaj shume, pjesa më e madhe ishin të dedikuara për eksplozivë dhe gërmime.

992 mijë euro gjatë këtij viti janë ndarë nga buxheti i Kosovës për Prokurim të eksplozivëve dhe pajisjeve eksplozive për Minierat në Crnac dhe Belo Brdo, ndërsa 480 mijë euro për gërmim të dhomave e gropave horizontale në minierën e Belo Brdo, shkruan gazetae Infokus.

Në fakt, këtë vit, deri më tash, gjithsej janë publikuar 10 tender.

1. Eksplozivët dhe pajisjet eksplozive për Crnac dhe Belo Brdo – 992 mijë euro;
2. Gërmimet n ëdhoma të gropave horizontale e vertikale në Belo Brdo – 480 mijë euro;
3. Reagensat për nevoja të flotacionit në Leposaviq – 480 mijë euro;
4. Topa të falsifikuara çeliku për qëllime mulliri flotacion në Leposaviq – 400 mijë euro;
5. Druri i minierës për Crnac dhe Belo Brdo – 350 mijë euro;
6. Pajisjet HTZ – 120 mijë euro;
7. Goma për shpellë, makineri e trajtimit të ngarkesave e automjete të pasagjerëve – 120 mijë euro;
8. Mulli rreshtim – 120 mijë euro;
9. Vajra e Lubrifikantë – 105 mijë euro;
10. Pajisje të shpimit për eksplorim në Crnac dhe Belo Brdo – 60 mijë;

E pavarësisht krejt këtyre investimeve milionëshe që bëhen nga Buxheti i Republikës së Kosovës, në faqen zyrtare të Trepçës që udhëhiqet nga serbët, dhe e cila është edhe në tenderët e publikuar, nuk ka as edhe një fjalë në gjuhën shqipe.

Aty, janë veç opsionet për gjuhën serbe dhe atë angleze./Gazeta Infokus.

 

Udhëto nga Suedia drejt Kosovës me PrishtinaTickets

Sponsoruar

-Advertisement-