Lajme

Hoxhaj: Qeveria Kurti ndoqi politikë të jashtme tmerrësisht të gabuar

Autori: Gazeta inFokus 11:42 | 05 September 2023

Ish-ministri i Jashtëm, tani deputet nga radhët e Partisë Demokratike të Kosovës, Enver Hoxhaj, ka kritikuar Qeverinë e Kosovës për politikën e jashtme.

Sipas Hoxhajt, i cili është edhe nënkryetar i Kuvendit të Kosovës, Qeveria po ndjek politikë të jashtme “tmerrësisht të gabuar”.

Ai këtu përmendi sanksionet e Perëndimit.“Në një botë multipolare, Qeveria Kurti ndoqi politikë të jashtme tmerrësisht të gabuar, ku demokracitë perëndimore e sanksionojnë dhe shtetet e mëdha aziatike, njohëse të Kosovës, çdo ditë e përjashtojnë, sikurse edhe anëtarësimi i djeshëm i Serbisë në ASEAN, organizatën me ndikim dhe një zonë shumë e zhvilluar e Azisë!”, ka shkruar Hoxhaj në Facebook.

-Advertisement-

Bashkimi Evropian ka vendosur masa ndëshkuese ndaj Kosovës, për shkak të mospërmbushjes së kërkesave të faktorit ndërkombëtar për ulje të tensioneve në veri të Kosovës në muajt maj e qershor.

Me qëllim të shtensionimit të situatës, Kosova dhe Bashkimi Evropian kanë arritur marrëveshje më 10 korrik në Bratislavë për marrjen e disa hapave.

Deri më tani, Policia e Kosovës e ka përgjysmuar prezencën e saj në dhe rreth ndërtesave komunale.

Subscribe në YouTube: GAZETA INFOKUSI
Etiketa:
Çka do të thotë të gatuash shqip?
-Advertisement-

Të tjera

Fokusi

lajme