Lajme

Hoxhaj kërkon mbështetje nga Bullgaria për transformimin e FSK-së

Autori: Gazeta inFokus 13:48 | 16 November 2018

Zëvendëskryeministri i Republikës së Kosovës, Enver Hoxhaj, gjatë qëndrimit në Sofje ka takuar zëvendëskryeministrin dhe ministrin e mbrojtjes së Bullgarisë, Krasimir Karakachanov.

Duke e falënderuar për mbështetjen e Bullgarisë dhënë Kosovës në shumë fusha, e në veçanti në procesin e liberalizimit të vizave, Hoxhaj e ka informuar zëvendëskryeministrin Karakachanov për procesin e transformimit të FSK-së.

Zëvendëskryeministri Hoxhaj theksoi se përkrahja e Bullgarisë si shtet anëtar i NATO-së është tejet e rëndësishme për këtë proces.

-Advertisement-

Gjatë qëndrimit në Sofje, Hoxhaj ka takuar edhe kryetarin e Komisionit Parlamentar për Çështje Evropiane, Kristian Vigenin. Palët diskutuan për procesin e liberalizimit të vizave dhe thellimin e bashkëpunimit mes dy vendeve në fusha të interesit të përbashkët.

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera

Fokusi

lajme