Lajme

Hoti: Ky pushtet e ka humbur rrugën dhe duhet larguar sa më parë

Autori: Gazeta inFokus 19:16 | 18 August 2023

Deputeti i LDK-së, Avdullah Hoti, thotë se Qeveria e Albin Kurtit e ka humbur rrugën dhe duhet larguar sa më parë.

Ky reagim i deputetit, vjen pas deklaratës së ministres së Industrisë, Ndërmarrësisë e Tregtisë, Rozeta Hajdari, në një konferencë për media.

Ajo hodhi akuza në drejtim të njësitit hetimor të Policisë së Kosovës ku tha se sot ata u paraqitën në MINT pa një certifikatë për siguri shtetërore, ndonëse kërkonin dokumente të klasifikuara si sekrete shtetërore.

-Advertisement-

“Me rezervat shtetërore është bërë pazar nga persona privat (sipas deklarimit në media)”, ka shkruar Hoti.

“Ndërkaq, Ministrja sot e ka hallin se zyrtarët policorë, të cilët sot i kanë konfiskuar materialet nga Ministria, nuk kanë certifikatë të sigurisë për qasje në dokumentacion për rezervat shtetërore”.

“Ky pushtet e ka humbur rrugën dhe duhet larguar sa më parë”, shkroi deputeti opozitar.

Subscribe në YouTube: GAZETA INFOKUSI