Lajme

Haziri thotë se Kurti la bomba të kurdisura në dialog: Kemi kapacitet me ia largu Kosovës sanksionet

Autori: Gazeta inFokus 13:37 | 24 January 2025

Lutfi Haziri, nënkryetar i Lidhjes Demokratike të Kosovës-së dhe kandidat i kësaj partie për deputet, ka folur në lidhje me dialogun mes Kosovës dhe Serbisë.

Haziri ka pasur kritika ndaj kryeministrit Albin Kurti, të cilin e ka akuzuar se ka lënë bomba të kurdisura. Në intervistën për Reporteri, Haziri është shprehur optimist se LDK-ja ka kapacitete për të larguar “sanksionet financiare” të BE-së.

“Kemi një diplomat të ri që vjen me dioptrinë e OKB-së më shumë si diplomat, danez, por më shumë është një njohës dhe mik i madh i rajonit tonë. Sorensen është emri që do të merret tashmë me dialogun Kosovë-Serbi, nuk e ka kapelën e rajonit, si e ka pasë Lajçak. Zgjedhja e presidentit Trump, marrëveshja e 4 shtatorit është dokument tjetër në tavolinë. Se sa do ta arrijnë me u harmonizu do të jenë çështje që LDK i trajton seriozisht. Kemi kapacitete dhe mundësi që të gjitha bombat e kurdisura që Kurti i ka lënë në marrëveshje dhe të gjitha problemet që iu ka shkaktu me hy në një proces të vështirë por me mirëbesim që me ia largu Kosovës fillimisht sanksionet financiare, limitet e këqija por edhe dokumentet e këqija në tavolinë” – tha Haziri.

-Advertisement-

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme