Lajme

Haxhiu: Mos e votoni këtë buxhet se veç ia zgjatni jetën këtyre Nastradinave

Autori: Gazeta inFokus 15:12 | 17 November 2022

Deputeti i Partisë Demokratike të Kosovës, Bekim Haxhiu u ka kërkuar deputetëve që të mos e votojnë buxhetin e ndarë për vitin 2023.

“Nuk udhëhiqet vendi me rrenat e Nastradinit, rune dinjitetin e deputetit, mos e votoni këtë buxhet që e shpërngul Kosovën jashtë, mos e votoni këtë buxhet që nuk premton zhvillim ekonomik, këtë buxhet që nuk i rrit pagat për mjekët, policë e të tjerët, se vetëm keni me ia zgjatë jetën këtyre Nastradinave”, ka thënë Haxhiu në seancën e sotme të kuvendit.

Sipas Haxhiut, për herë të parë ndodh që buxheti i Kosovës të arrijë në 3.2 miliardë dhe varfëria të jetë në shkallën më të lartë që nga paslufta, “sepse inflacioni është i lartë dhe qeveria nuk e ka idenë si ta ndalojë inflacionin dhe të nxisë zhvillimin ekonomik”.

-Advertisement-

“Sot kemi ardhur në një situatë kur edhe opozita e kërkon një rritje të pagave e FMN-ja dhe vetëm qeveria nuk vepron”, ka shtuar ai.

Ai tha se kur bota shënoi 8 miliardë banorë, kur po shtohet, Kosova po zvogëlohet për shkak të dëshpërimit dhe mosmbështetjes së qeverisë.

Subscribe në YouTube: GAZETA INFOKUSI
Meridian Express hap marketin e ri në qytetin e Mitrovicës Veriore!
-Advertisement-

Të tjera

Fokusi

lajme