Lajme

Haxhiu: Kurti të hetohet nga prokuroria për rastin e foshnjës në Pejë

Autori: Gazeta inFokus 13:38 | 23 December 2022

Deputeti nga radhët e Partisë Demokratike të Kosovës, Bekim Haxhiu, ka kërkuar që në cilësinë e kryetarit të komisionit ekzekutiv për shëndetësi të hetohet edhe kryeministri Albin Kurti për rastin e foshnjes së vdekur në Spitalin e Pejës.

“Skandali i fundit i gjymtimit të kufomës së foshnjës së vdekur në lavatriçen e Spitalit të Pejës u bë falë mediave sepse drejtori i Spitalit të Pejës, përgjegjësit e ShKSUK-së, ministria e Shëndetësisë, dhe kryetari i komisionit ekzekutiv për shëndetësi janë përpjekur ta fshehin këtë krim për tetë ditë”.

“Pasi nuk ka as dorëheqje morale, atëherë ftoj prokurorinë e Kosovës të fillojë hetimet nga kryetari i komisionit ekzekutiv për shëndetësi e deri te drejtori i Spitalit të Pjeës, për tentim të fshehjes së krimit”.

-Advertisement-

“Mungesa e përgjegjësisë dhe e llogaridhënies është shndërruar në normalitet”, tha Haxhiu duke iu referuar rastit të Hamide Magashit e cila u vra në oborrin e gjinekologjisë, e për çka Haxhiu tha se nuk ishte ndërmarrë asgjë për të tentuar ta shpëtojnë fëmijën e saj përmes prerjes cezariane.

Ai tha se këto raste u heshtën sikur miliona euro keqpërdorime, dhe sërish e ktheu akuzën që Kosova ende nuk ka ministër të Shëndetësisë.

“Po kërkoj nga ju kryeministër që të jepni dorëheqje nga komisioni për shëndetësi, ta shuani atë komision dhe ta emëroni një ministër sepse atë për çka e keni themeluar atë komision, për të mbuluar dështimet në sektori ne shëndetësisë dhe për ta detyruar Rifat Latifin të japë dorëheqje, e keni arritur”.

Subscribe në YouTube: GAZETA INFOKUSI