Lajme

Sekretari i Kuvendit: Kërcënimi për bombë erdhi në gjuhën angleze, u kërkua të qëndrojmë 50 metra larg objektit

Autori: Gazeta inFokus 12:45 | 05 July 2025

Sekretari i Kuvendit të Kosovës, Arben Loshi, ka dhënë detaje lidhur me kërcënimin për bombë që alarmoi sot institucionet, duke konfirmuar se thirrja është bërë në gjuhën angleze dhe ka paralajmëruar se një bombë do të shpërthente brenda 10 minutave në objektin e Kuvendit.

“Sipas njoftimit që na është dhënë nga Policia e Kosovës, një person ka telefonuar në gjuhën angleze dhe ka deklaruar se një bombë është vendosur në Kuvendin e Kosovës, dhe se do të shpërthejë për 10 minuta,” ka deklaruar Loshi.

Ai shtoi se pas marrjes së këtij njoftimi, policia ka kërkuar evakuimin e menjëhershëm dhe rekomanduar që të gjithë të qëndrojnë të paktën 50 metra larg ndërtesës.

-Advertisement-

“Policia dhe njësitë e specializuara janë duke kryer veprimet e nevojshme, ndërsa ne si administratë jemi urdhëruar të lirojmë hapësirat dhe të qëndrojmë jashtë ndërtesës, në distancën e përcaktuar,” tha ai.

Loshi bëri të ditur se të gjitha informacionet e mëtejme janë në duart e Policisë së Kosovës.

Subscribe në YouTube: GAZETA INFOKUSI
GP Aviation dhe PrishtinaTicket me fluturime direkte dy herë në javë drejt Parisit!
-Advertisement-

Të tjera

Fokusi

lajme