Haxhiu kritikon Qeverinë për tekstet shkollore: Gjashtë vite e kanë kryer detyrën si me qenë praktikantë
Autori: Gazeta inFokus
11:31 | 28 August 2026
Deputetja e Aleancës, Teuta Haxhiu, ka kritikuar Qeverinë në detyrë për vonesat në procesin e subvencionimit të teksteve shkollore, vetëm pak ditë para nisjes së vitit të ri shkollor.
Në një konferencë për media, Haxhiu tha se vonesa përbën neglizhencë dhe papërgjegjësi të pushtetit, duke kritikuar në veçanti ministrin Hajrulla Çeku.
“Arsyeja e thirrjes së kësaj konference është pikërisht neglizhenca, papërgjegjësia e këtij pushteti, përkatësisht e ministrit, ish-ministrit Çeku, aktualisht deputetit Çeku, në moskryerjen e detyrave që kërkojnë që dalin nga Ligji për Arsimin Parauniversitar dhe nga Udhëzimi Administrativ 13/2016 për subvencionimin e teksteve mësimore për nxënësit e Republikës së Kosovës. Pra, ky vit shkollor do të duhej të priste gjithë nxënësit, duke filluar nga ata të klasës para-përgatitore e deri në arsimin e mesëm, por si arsim i obliguar deri në klasën e nëntë, t’i priste me përgatitjet më të larta në cilindo nivel”, ka thënë ajo.
Sipas Haxhiut, miratimi i katalogut të teksteve shkollore më 27 gusht ka qenë i vonuar dhe ka krijuar presion te prindërit.
“Pra, miratimi i katalogut dje, që ka qenë data 27, jo vetëm që është i vonuar, por është një presion që është bërë tek prindërit, të cilët, normal që fëmijët e tyre kanë protë të pajisen me tekste, njëkohësisht të jemi gati që të fillojë një vit i mbarë shkollor. Derivatet që janë, ato që dalin nga Ligji për Arsimin Parauniversitar dhe në udhëzimin që përmenda pra, Udhëzimi 13/2016, i përcakton qartë detyrat e ministrisë. Ministria është e obliguar që t’i pajisë të gjithë nxënësit pra, që i përkasin arsimit të obliguar, që nga klasa para-shkollore, edhe pse në klasën para-shkollore ose para-përgatitore nuk ka sot e kësaj dite një udhëzim administrativ, edhe pse Ligji për Arsimin Parauniversitar i miratuar në 2011 e parasheh që të rregullohet edhe të subvencionohet edhe ky grup i nxënësve”, ka shtuar Haxhiu.
Ajo tha se Ministria e Arsimit ka pasur afate të qarta për përfundimin e procedurave, ndërsa drejtoritë komunale është dashur t’i dorëzojnë raportet përfundimtare deri më 15 korrik.
“Ministria ka detyrën që në muajin qershor të themelojë një komision që negocion çmimin me shtëpitë botuese. Po flasim për muajin qershor. Pastaj dërgohet edhe katalogu në drejtoritë komunale, e këto e dërgojnë te shkollat. Flas me përgjegjësi, ngase kam qenë drejtoreshë e shkollës, dhe afati 15 korrik është afati i fundit kur drejtoritë përgatisin raportet për t’i dërguar në ministri”.
“Pra, po flasim për 15 korrikun. Llogaritni prej atëherë deri më datën 27 gusht sa ditë kanë pasur kohë për t’u përgatitur. Për mospërgatitje nuk nënkupton asgjë tjetër, pos papërgjegjësi totale. Këta njerëz, që vërtet gjatë gjithë këtyre gjashtë viteve e kanë marrë detyrën dhe e kanë kryer si me qenë praktikantë, kështu si praktikantë po veprojnë”, tha Haxhiu.
Haxhiu e quajti Çekun bllokues të Komunës së Prishtinës, duke thënë se ai dhe Lëvizja Vetëvendosje nuk e kanë kryer detyrën siç duhet.
“Mospërgatitja nuk nënkupton asgjë tjetër vetëm se papërgjegjësi totale. Këta njerëz që vërtet gjatë gjithë këtyre gjashtë viteve e kanë marrë detyrën dhe e kanë kryer si me qenë praktikanta, kështu si praktikanta edhe po veprojnë. Krejt që mund të them se ministri, ish-ministri i arsimit, ish-ministri i kulturës, deputeti aktual Çeku mbahet mend vetëm si bllokues i Komunës së Prishtinës, përkatësisht i jetës kulturore në Prishtinë”, u shpreh ajo.
Gjatë konferencës, Haxhiu shfaqi edhe disa fatura, të cilat, sipas saj, janë publikuar në komentet e faqes së Ministrisë së Arsimit dhe tregojnë mospërputhje mes vlerës së subvencionit dhe shpenzimeve për tekste.
“Unë i kam marrë këto pikërisht në faqen e ministrisë, në komentet që kanë shkruar prindërit, pra janë faturat që ata kanë, pra vlerën e teksteve totale, domethënë edhe subvencionimin. Për shembull, klasa e parë i ka 63 euro e 87 centë, kurse 60 euro janë subvencionim. Shto këtu që nuk ka subvencionim për lëndët zgjedhore që janë obligative.
Në pjesën tjetër, për shembull, kemi një vlerë tjetër, 105.80 euro, kurse subvencionimi për klasën e gjashtë është 90 euro.
Këtu pra, po them, asnjëherë nuk janë përfshirë lëndët zgjedhore që janë obligative, që janë fletoret e punës, që patjetër sepse mësimdhënësit ua kërkojnë nxënësve. Shto pjesën tjetër të çantave, fletoreve, lapsave, mjeteve të gjeometrisë dhe çdo lëndë që kërkon mësimdhënësi, normal që ka me i kërkuar prej fëmijës e prindi detyrohet me i blerë. Kemi një faturë tjetër po ashtu të klasës së nëntë, që është 122.60 euro, subvencionimi është 90 euro. Gjithkund po në katalogun e ministrisë nuk figuron pra vlera për tekstet të lëndëve zgjedhore që janë obligative, sepse ministria i ka në secilën shkollë janë lëndë që zgjidhen në procedura siç i parasheh edhe udhëzimi administrativ”, shtoi ajo.

T� tjera
-
Kënga nacionaliste serbe në Forumin e BE-së për zgjerimin shkakton polemika
Gjatë Forumit të zgjerimit të Bashkimit Evropian, pas fjalimit të presidentes...
-
Çmimi i arit bie në nivelin më të ulët që nga shtatori 2025
Çmimi i arit ra sot në nivelin më të ulët që nga shtatori 2025, pasi forcimi ...
-
Gashi-Hamdiu: Nga viti 2021, Kosovës iu shtuan vetëm 30 megavatë
Ajrina Gashi-Hamdiu, ish-anëtare e Bordit të Drejtorëve të Operatorit të Sist...
-
Shkoi në punë në ëmbëltore, kur doli nuk e gjeti veturën – Mitsubishi zhduket në Dardani të Prishtinës
E parkoi veturën pranë vendit të punës, por kur doli ta kontrollonte, ajo ish...
-
Time Kadrijaj: A po keni rrymë? Neve na mbyti terri, ky është veç fillimi
Deputetja e Aleancës, Time Kadrijaj, ka reaguar lidhur me ndërprerjet e energ...
-
Probleme teknike në bankat e mëdha amerikane, mijëra klientë raportojnë vështirësi në aksesimin e llogarive
Klientët e Bank of America, JP Morgan Chase, Wells Fargo dhe disa bankave të ...
-
Mustafa: VV e mohonte që Kosova tregton rrymë nga Serbia, sot e ndaluan importin
Deputeti i PDK-së, Arben Mustafa, ka komentuar masat e Qeverisë për çështjen ...
-
Importi i lartë rrezikon shtrenjtimin e rrymës
Rritja e konsumit dhe importit të energjisë elektrike në Kosovë po i shton sh...
-
Aksidenti tragjik në Gjermani, Latifi ngushëllon familjet e dy të rinjve që humbën jetën
Lajmi i rëndë për vdekjen tragjike të dy të rinjve nga Komuna e Rahovecit në ...
-
Maqedonci: Njohja e Kosovës nga Ukraina do të mundësonte mbështetje më të madhe
Ministri i Mbrojtjes, Ejup Maqedonci, gjatë Konferencës për Deminimin në Ukra...
-
Sa kushton sot një litër naftë dhe benzinë? Kjo është gjendja në tregun kosovar
Rënia e çmimit të derivateve të naftës në tregjet ndërkombëtare është reflekt...
-
“Muj me hapë kompani në Tiranë e me ble rrymë prej Vuk Hamoviqit”, Janina Ymeri thotë se Kurti nuk e ka seriozisht ndalimin e tregtimit të energjisë me Serbinë
Deputetja e Lidhjes Demokratike të Kosovës (LDK), Janina Ymeri, është deklaru...
































