Rozë

Harrison Ford flet për herë të parë për aferën me Carrie Fisher

Autori: Gazeta inFokus 14:51 | 14 September 2017

Libri i Carrie Fisher nuk është në listën e leximit të Harrison Ford.

Në atë që do të ishte libri i saj i fundit “The Princess Diarist” që u publikua vitin e kaluar, aktorja e ndjerë dha detaje për aferën që kishte me aktorin Harrison Ford gjatë xhirimeve të Star Wars: Episode IV në vitin 1977, kur ajo ishte vetëm 19 vjeçare.

Në atë kohë, 33 vjeçari Ford ishte i martuar me Mary Marquardt, me të cilën kishte dy fëmijë.

-Advertisement-

“Ishte e çuditshme. Për mua”, ka thënë Ford për GQ të mërkurën, duke bërë kështu deklaratën e parë mbi këtë skandal.

Aktori kishte përgjigjet e tij të shkurtra ndërsa diskutoi për librin plot memorie të aktores Fisher, transmeton Klan Kosova.

I pyetur nëse ai kishte ndonjë paralajmërim se Fisher do ta përfshinte atë në libër, Ford tha se “deri diku, po.”

Sa për mendimet e tij mbi përfshirjen në libër, Ford ka thënë se nuk dëshiron shumë të diskutojë mbi këtë temë, aq më tepër që tashmë aktorja ka ndërruar jetë.

Por ai ka thënë se megjithatë gazetarët mund ta pyesin atë, por ai tha se megjithatë nuk është një temë që ai ka dëshirë të flasë.

Por a e ka lexuar ai librin?

“Jo. Unë nuk e kam lexuar”.

Fisher ndërroi jetë në moshën 60 vjeçare në muajin dhjetor të vitit 2016, derisa libri i saj ishte publikuar po këtë vit, më herët.

Ajo në një intervistë për People kishte thënë se është habitur se sa shumë debate ka nxjerrë kjo pjesë e jetës së saj.

“Ishte 40 vjet më parë,” shpjegoi ajo, duke shtuar se e gjithë përvoja – xhirimi i filmit dhe mbajtja fshehtë e romancës ishte shumë kohë më parë.

Subscribe në YouTube: GAZETA INFOKUSI