Lajme

Haradinaj vendos t’u paguaj detin veteranëve

Autori: Gazeta inFokus 15:00 | 29 May 2018

Është miratuar kërkesa e Organizatës së Veteranëve të Luftës së UÇK për dërgim në deti të 1500 veteranëve të luftës së UÇK-së.

Qeveria e Kosovës në mbledhjen e sotme ka ndarë 300 mijë euro për  këtë rehabilitim, shkruan Infokusi.com.

Kryeministri i Kosovës, Ramush Haradinaj gjatë mbledhjes ka bërë të ditur se veteranët do të dërgohen për pushime në bregdetin e Shqipërisë.

-Advertisement-

Haradinaj ka thënë gjithashtu se rehabilitimi është një lloj ndërhyrje duke parë numrin e madh të vetëvrasjeve të veteranëve.

‘“1500 veteranë, shuma është 300 mijë euro. Kam pas bisedë me veteranët. Është shtuar numri i aksidenteve me fatalitet i vetëvrasjeve të veteraneve. Ata e kanë shpreh këtë kërkesë si ndërhyrje një lloj rehabilitimi”, tha ai.

Infokusi ditë më parë ka raportuar për kërkesën e veteranëve.

Lexo edhe: Veteranët e UÇK-së kërkojnë 300 mijë euro për deti

Kryetari i Organizatës së Veteranëve të Luftës së UÇK, Hysni Gucati ka thënë për Infokusin se veç 1.500 veteranëve kanë bërë kërkesë edhe për 300 të tjerë të dërgohen në banjë.

“Ne kemi bërë një kërkesë në zyrën e kryeministrit të Kosovës për rehabilitimin e veteranëve, i dërgojmë  banjë, një pjesë të veteranëve. Numri i veteranëve që planifikojmë ti dërgojmë në banjë është rreth 300. E 1,500 veteranë të tjerë janë për deti, kryesisht janë veteranë që nuk kanë kushte të tjera materiale dhe jetojnë me nga 170 euro”, ka thënë ai.

Sipas Gucatit përzgjedhja e veteranëve që do të përfitojnë këto “pushime” do të fillojë tek pas miratimit nga Qeveria e Kosovës.

Kreu i OVL të UÇK-së më i gëzuar do të ishte njëra nga kërkesat që ia kanë drejtuar Qeverisë.

Lexo edhe :  Qeveria sot vendos për udhëtimin në deti të veteranëve

“Unë personalisht do të doja që fillimisht të realizohej kjo për banjë ndërsa kjo për deti varet nga buxheti i Qeverisë. Nëse ata kanë buxhet realizohet në të kundërtën nuk duam as ne ta dëmtojmë buxhetin e shtetit”, ka thënë ai.

Vitin e kaluar, sipas tij, veteranët nuk kanë shkuar në deti dhe banjë për shkak se kërkesa në Qeverinë e Kosovës është bërë në vonese./INFOKUSI

Subscribe në YouTube: GAZETA INFOKUSI
Etiketa:
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

lajme