Haradinaj rikthehet në vendin ku ishte vrarë Luani, ja çfarë kishte rrëfyer për atë moment para 3 vitesh
Autori: Gazeta inFokus 16:53 | 30 April 2022
Ish-komandanti i UÇK-së dhe ish-kryeministri i Kosovës, Ramush Haradinaj, bashkë me dajlin e Shkëlzenit ka vizituar sot vendin e quajtur “Qafmullar”, vend në të cilin kishte rënë heroikisht vëllai i tij Luani, shkruan Gazeta Express. Për këtë vizitë atje Haradinaj ka njoftuar përmes një video të publikuar në profilin e tij, duke shprehur nderim për të gjithë të rënët për lirinë e Kosovës.
“Jemi në Qafmullar. Është vendi ku është vra Luani. Sot është dita kur është e ramjes së Ilaz Kodra, nderime për Ilazin, Luanin, Fehminë, Xhevën, e gjithë që kanë ra për liri, nderime”, dëgjohet tek thotë Haradinaj në video.
Por cila është historia e “Qafmullarit” dhe çfarë kishte rrëfyer Ramush Haradinaj 3 vite më në Pressing të T7 për vrasjen e të vëllait Luanit…
“Ka qenë pak para territ, unë kisha qejf me e pa pak drejtimin, u dashke me e pa orientimin. Unë për planifikim kisha nevojë. Më kujtohet në hyrje, kemi qenë rresht një për një, Luani ka qenë i pari.. afër pritës së armikut, vetëm tuj hecë. Luani ka pri, rreshti, dhe unë si pararojë në drejtim të pozicioneve potenciale të Serbisë, se ishte e mundshme me pas pozicion, sepse u shihke që është rrugë e përdorme”, kishte rrëfyer Haradinaj në Pressing të T7 teksa tregonte përpjekjen për të hyrë në territorin e Kosovës.
Më pas kishte treguar se si kishte filluar sulmi nga ushtria serbe, dhe se kishin reaguar shpejt duke shpëtuar nga plumbat e parë të serbëve.
Haradinaj kishte rrëfyer se si kishte arritur t’iu shmangej plumbave si rezultat i relievit, dhe si i kishte bërë me shenjë Luanit që të kthehej mbrapa në territorin e Shqipërisë.
“Luani ishte kthyer deri në territor të Shqipërisë. Mirëpo kur unë jam vonuar me Rafetin, se Rafeti i plaguar, jam detyru të ndalem me të, ai ka mendu që jam plagu unë, se u hapë atje fjala që u plagu dikush, dhe Luani është kthyer kshtu në këmbë, hiç pa u ruajt, ka qenë shumë trim, në këmbë vrapë.. e kishte kapur një kalibër i madh 7.9 këtu”, kishte rrëfyer Haradinaj për momentin kur Luani ishte qëlluar nga forcat serbe në pjesën më të ngritur.
Haradinaj më pas kishte treguar se si e kishte vendosur Rafetin e plagosur në një pozitë të sigurtë për të mos e kapur plumbat.
Ish-komandnati i UÇK-së, thotë se menjëherë pasi e kishte rehatuar Rafetin, kishte dëgjuar se “është plaguar Adriani”, nofka me të cilin e kishin thirrur Luanin.
“Tani taman e kam rahatu këto, e kam ni një za, Ramizi, ka thënë është plagu Adriani, sepse Luani e ka pas niknamen Adriani emrin e luftës”, ka treguar Haradinaj për momentin kur ishte njoftuar se Luani ishte qëlluar.
Në Pressing tutje Haradinaj ka rrëfyer për momentin kur ishte arritur tek trupi i Luanit dhe pamundësinë që t’i afrohej, meqë në atë pjesë ku ishte, forcat serbe kishin vazhduar të shtënat.
“Ai ish kanë ne vend të ekspozum, s’mujsha me iu afrue. E mbushke pluma. Më është dashtë me dalë si mbrapa prej territorit të Shqipërisë, e me i shku mbrapa tij, dmth unë trupin e tij e kisha mburojë. Jam mundu me e ngreh, e kam kap në rryp, sepse me u afru te kryt e tij, sepse është logjike që kur të bjen dikush, mendojnë që është i plagum e s’ja qkoqin masanej..ideja me e kry punën. E tash unë e kam kap në rrymë, e ka pas një “opasaq” të Jugosllavisë, cfarë rrypi i fortë. Po aty ishin kanë do gur shumë të thepisun, me maje. Kur e kam kapë unë , bre ngreh… se lshojke.. ju kish kap rrypi përfundi në guri. E ka pre guri rrypin, tu e ngreh, me ka mbet rrypi në dorë”, kishte vazhduar rrëfimin Haradinaj për momentin kur ishte afruar tek trupi i Luanit.
Ai thotë se pas këtij momenti e kishte thirrur “o mashkull”, meqë kishte menduar se është vetëm i plagosur.
“Kur i jam afruar afër, e kam parë që ishte një kalibër i madh, që e kishte kapur në gojë, ishte kalibër i madh, sepse plaga dalëse kishte qenë shumë e madhe. Më shumë se kallashnikov’, kishte vazhduar tutje rrëfimin Haradinaj.
Thotë se pasi e kishte parë që Luani kishte vdekur, kishte bërë përpjekje për ta tërhequr në pozitë më poshtë.
Më pas ka treguar për organizimin që kishin bërë për ta bartur Rafetin e plagosur dhe Luanin e vdekur.
“Luanin e kam kap e kam qitë në krah”, kishte shtuar tutje Haradinaj teksa tregonte për vështirësitë për ta bartur Luanin e vdekur për 3-4 orë rrugë.
Pas vrasjes së Luanit dhe plagosjes së Rafetit, Haradinaj kishte treguar se si grupi kishte rënë në kllapi nga lodhja, dhe se si e kishte kërsitur një bombë për t’i këndellur ushtarët.
Pastaj kishte treguar për varrosjen e Luanit në një vend në Shqipëri, dhe se si ishte kthyer përsëri në vendin ku ishte vrarë Luani për t’ia marrë pistoletën që i kishte rënë.
Haradinaj në Pressing kishte rrëfyer se pasi kishte shkuar atje, nuk e kishte gjetur armën e Luanit dhe se si kishte marrë vesh që e kishte gjetur atë një banor i asaj zone të Shqipërisë.
Të tjera
-
Vllasi: E pakuptueshme që Kosova me sjelljet e veta rrezikon pranimin në KiE
Njohësi i rrethanave politike, Azem Vllasi ka thënë se Kosova po e humb një m...
-
Specialja ua vazhdon paraburgimin Rexhep Selimit dhe Jakup Krasniqit
Në Dhomat e Specializuara të Kosovës (DhSK) në Hagë është marrë vendim për va...
-
Tahiri: Një pjesë e pushtetit është verbuar skajshmërisht, tjetra vazhdon me eksperiment pas eksperimenti
Shefi i Grupit Parlamentar të Aleancës për Ardhmërinë e Kosovës, Besnik Tahir...
-
Abelard Tahiri viziton Hashim Thaçin në Hagë -jep detaje nga takimi me të
Shefi i Grupit Parlamentar të PDK-së, Abelard Tahiri, e ka vizituar në Hagë i...
-
Dyshimet e Dukagjin Goranit: Kurti e Krasniqi diskutuan për t’ia shkurtuar mandatin Presidentes
Analisti Dukagjin Gorani ka hedhur dyshime se darka mes kryeministrit Albin K...
-
Propozimi i Qeverisë për të shkruar draft për Asociacionin, deklarohet Bashkimi Evropian
Bashkimi Evropian (BE) ka thënë të enjten vonë se e ka “të pamundur” ta vlerë...
-
Ahmeti tallet me letrat e qeverisë: Me i mbledhë, goxha njëfarë libri del
Shpend Ahmeti është tallur me letrat që qeveritarët ia kanë dërguar ndërkombë...
-
E rëndë: Polici vr*t ish kolegen në komisariatin e policisë
Një ngjarje e rëndë është shënuar pasditen e së enjtes në Anzola dell’Emilia,...
-
Spahiu: Asociacioni do t’i shërbejë Serbisë për të futur një këmbë në Kosovë
Ish-ambasadori i Kosovës në Shtetet e Bashkuara të Amerikës (SHBA), Avni Spah...
-
Maliqi: Perëndimi është bindur që Kosova nuk është negociatore dhe palë serioze, për Vuçiqin nuk ka fitore më të madhe
Analisti Agon Maliqi ka thënë se perëndimi është bindur që Kosova nuk ëshë ne...
-
“PDK-ja dhe VV-ja do të hyjnë në koalicion pas zgjedhjeve”
Deputeti i AAK-së, Shemsedin Dreshaj, tha se pas takimit të fundit në mes të ...
-
Knaus thotë se letra e treshes evropiane iu dërgua Kurtit para asaj të Gërvallës në KE
Gerald Knaus, nga Iniciativa Evropiane për Stabilitet, ka deklaruar se letra ...