Lajme

Haradinaj pret në takim lamtumirës ambasadorin Hovenier, i ndan mirënjohjen “Me besim në Zot, Atdhe e Shtet”

Autori: Gazeta inFokus 15:28 | 19 December 2024

Kandidati për kryeministër i koalicionit AAK, Nisma, Lista Konservatore dhe Forumi Intelektual E-30, Ramush Haradinaj, ka pritur në takim lamtumirës ambasadorin e Amerikës, Jeffrey Hovenier.

Haradinaj ka thënë se ambasadori Hovenier ishte i pari që vizitoi shtëpinë e re të AAK-së. “I pari që ka ardhur në shtëpinë e re të Aleancës, ka qenë miku i madh dhe aleati i Kosovës, Ambasadori Amerikan, Jeffrey Hovenier.

Po në këtë shtëpi, sot e pritëm në takimin lamtumirës të tij si ambasador e si mik”, ka thënë Haradinaj.

-Advertisement-

Haradinaj ka shtuar se Hovenier ishte më shumë se sa ambasador i Kosovës. “Jeffrey Hovenier, ka qenë shumë më shumë se sa Ambasador. Ai ishte mik, partner e kontribuues i jashtëzakonshëm i afrimit të Kosovës me Amerikën dhe Amerikës me Kosovën. E jashtëzakonshme ka qenë ndihma e tij edhe në kapërcimin e sfidave me të cilat jemi përballur gjithë këto vite si dhe në forcimin e demokracisë në vend“, është shprehur Haradinaj.

I pari i AAK-së i ka ndarë mirënjohjen ‘Me besim në Zot, Atdhe e Shtet.

“Për kontribut të jashtëzakonshëm në forcimin e marrëdhënieve dhe miqësisë midis popullit të Kosovës dhe atij amerikan, Ambasadorit Hovenier, sot i kam ndarë mirënjohjen ‘Me besim në Zot, Atdhe e Shtet”, ka përfunduar Haradinaj.

Subscribe në YouTube: GAZETA INFOKUSI
Black Friday ne Artmotion
-Advertisement-

Të tjera

Fokusi

lajme