Lajme

Haradinaj kujton të rënët në Rezallë

Autori: Gazeta inFokus 09:47 | 05 April 2021

Kreu i Aleancës për Ardhmërinë e Kosovës, Ramush Haradinaj ka kujtuar 22 vjetorin e masakrës së Rezallës, shkruan Gazeta Infokus.

Haradinaj ka thënë se përulet para sakrificës për ata që dhanë jetën për lirinë.

“Respekti për ta forcon themelet e lirisë dhe shtetit të Kosovës!

Jemi krenarë për të kaluarën, falënderues për kontributin e secilit, respektues për gjakun e Dëshmorëve dhe Martirëve.

Njëzetedy vite më pas, kujtojmë jetët e pafajshme që barbarët i rrëmbyen në Rrezallë të Drenicës dhe në Llovcë të Gjilanit.

Jemi ende në kërkim të të pagjeturve, që janë plagë e hapur e shoqërisë. Ata i japin më shumë zë, thirrjës sonë për drejtësi.

Përulem para sakrificës, përjetësisht!”./Gazeta Infokus/

 

Të tjera

Fokusi

lajme