Lajme

Haradinaj kujton Agron Haradinajn: Jeta për të nuk ishte aspak e lehtë, por qëndroi i palëkundur

Autori: Gazeta inFokus 13:20 | 02 March 2024

Kryetari i Aleancës për Ardhmërinë e Kosovës (AAK), Ramush Haradinaj, ka kujtuar bashkëluftëtarin e tij, Agron Haradinaj në përvjetorin e parë të ndarjes nga jeta.

Haradinaj ka thënë se Agroni një jetë ia kushtoi lirisë së atdheut.

“Agroni një jetë të tërë ishte në shërbim të Atdheut, para lufte, në luftë e në paqe. Jeta për të nuk ishte aspak e lehtë, por Agroni qëndroi gjithmonë i palëkundur. Qysh si i ri ai ndoqi rrugën e atdhedashurisë të cilën e kishte trashëguar nga babai, Smajl Haradinaj. Ishte një nga të burgosurit politik më të ri në moshë, kurse gjatë luftës çlirimtare një nga ushtarët e parë të UÇK-së”, ka thënë Haradinaj.

-Advertisement-

I pari i AAK-së ka shtuar se jeta e vepra e Agronit do të kujtohen si sinonim i guximit dhe përkushtimit për liri.

“Sot, në përvjetorin e ndarjes nga jeta të Agronit, nderuam kujtimin për të dhe veprën që la ai pas. Vepra e tij jetësore në shërbim të Atdheut do të kujtohet e nderohet përherë si sinonim i guximit dhe përkushtimit për liri”, është shprehur Haradinaj.

Ndër të tjera, ai ka vizituar familjen Halilaj pas ndarjes nga jeta të bashkëluftëtarit Brahim Halilaj.

Po ashtu, Haradinaj tha se “sot shënojmë gjithashtu shënojmë përvjetorin nga jeta edhe të bashkëluftëtarit nga Carrabregu, Beqë Mustafë Likaj. I përjetshëm kujtimi për Beqën”.

Subscribe në YouTube: GAZETA INFOKUSI