Lajme

Haradinaj: Kemi fituar garanci se Asociacioni nuk është Republikë Srpska, nuk e rrezikon Kosovën

Autori: Gazeta inFokus 21:01 | 04 November 2022

I pari i Aleancës për Ardhmërinë e Kosovës, Ramush Haradinaj, ka treguar se shqetësimi i tij sa i përket, Asociacionit të Komunave me shumicë serbe, ka marrë fund pas vendimit të Gjykatës Kushtetues të Kosovës.

Ish-kryeministri i Kosovës,  ka thënë se në të kaluarën ai kishte qenë i shqetësuar me çështjen e Asociacionin të Komunave me shumicë Serbe, por tani nuk është më, pasi ka një vendim të Gjykatës Kushtetues, ku e ka bërë të ndihet i sigurt.

“I kemi fituar disa garanci se Asociacioni nuk është një Republikë Srpska apo diçka e tillë, por është një organizim ndërkomunal në kuadër të Kushtetutës dhe ligjeve të Kosovës. Kjo na jep një garanci por, duhet kujdes ”, ka theksuar Haradinaj.

-Advertisement-

“Në mënyrë se si është e dakorduar, nuk e rrezikon Kosovën. Nuk na sjellë pasoja në funksionim, për shkak se e kemi vendimin e Gjykatës Kushtetues që e definon dhe nuk e lejon të dal mbi ligjet, Kushtetutën, mbi rregullimin tonë të pushteteve, ku nuk ka pushtet të tret por, ka vetëm në nivelin nacional dhe komunal”, ka thënë Haradinaj.

Më tej, ai ka treguar se si duhet të implementohet AKS.

“Don kujdes gjatë gjithë rrugës, edhe kur hartohet statuti i Asociacionit të Komunave me Shumicë Serbe, edhe kur aprovohet statuti, gjithashtu edhe kur do të ndodhë implementimi, duhet kujdes nga tendenca e Serbisë dhe serbëve që dëshirojnë të ketë dy kuptime të përgjegjësive”, ka theksuar Haradinaj.

 

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme