Lajme

Haradinaj ka caktuar 100 detyrat e qeverisë së tij

Autori: Gazeta inFokus 13:36 | 14 July 2017

Koalicioni PDK-AAK-Nisma i cili beson se ka siguruar numrat për formimin e Qeverisë, tanimë është në fazën e finalizimit të programit qeverisës.

I nominuari për kryeministër nga ky koalicion, Ramush Haradinaj tashmë ka caktuar 100 detyrat e qeverisë së tij.

Muharrem Nitaj anëtarë i kryesisë dhe zëdhënës i AAK-së, ka thënë të premten për lajmi.net se është punuar shumë në harmonizimin e programit qeverisës i cili është në fazën përfundimtare.

-Advertisement-

“Gjithçka është në fazën e diskutimeve dhe harmonizimit. Haradinaj i ka evidencuar 100 detyrat e para që do t’i ketë qeveria e tij. Është punuar bukur shumë në harmonizimin e programit, por thash se program qeverisës është në fazën e finalizimit”, ka thënë Nitaj.

Koalicioni PAN si fitues i zgjedhjeve parlamentare të 11 qershorit synon që shumë shpejtë ti formojë institucionet e reja të dala nga zgjedhjet parlamentare. Madje zyrtarë të këtij koalicioni janë shprehur se kanë siguruar mbi 61 vota, aq sa janë të nevojshme për konstituimin e Kuvendit dhe Qeverisë së re.

Por, PDK-AAK-Nisma ende nuk kanë ndarë postet ministrore për Qeverinë e re.

Sipas Nitaj për këtë gjë do të diskutohet pas konstituimit të kuvendit dhe mandatimit të Haradinajt për kryeministër.

“Nuk është diskutuar për ndarjen e dikastereve e as të posteve ministrore. Para kësaj janë disa hapa të tjerë, që janë certifikimi dhe konstituimi i kuvendit, mandatimi i Haradinajt për kryeministër dhe tek më pastaj propozimi i Haradinajt për kabinetin e tij qeveritar”, ka deklaruar Nitaj për lajmi.net.

Koalicioni PDK-AAK-Nisma kishin arritur marrëveshje për koalicion parazgjedhor për zgjedhjet e 11 qershorit në momentet e fundit të afatit ligjor për regjistrim në KQZ. Sipas kësaj marrëveshje posti i kryeministrit i ka takuar AAK-së, ndërsa PDK ka kryetarin e Kuvendit, e Nisma postin e zëvendëskryeministrit.

Nga rezultatet e 11 qershorit PAN ka fituar 39 ulëse në Kuvend, Vetëvendosje 32, ndërsa koalicioni LDK-AKR-Alternativa.

Subscribe në YouTube: GAZETA INFOKUSI
Etiketa:
Artmotion vjen me Super Zbritje – Mos e humb!
-Advertisement-

Të tjera

Fokusi

lajme