Lajme

Haradinaj flet për raportet mes Limajt e Veselit

Autori: Gazeta inFokus 20:49 | 15 June 2017

Video incizimet ku lideri i AAK-së, Ramush Haradinaj tërheq për dore partnerin e koalicionit, Fatmir Limaj në mbylljen e fushatës së koalicionit ishte veçse ngatërresë protokolli.

Haradinaj shpjegoi në Rubikon të KTV-së se dalja në skenë ishte spontane dhe për këtë arsye nuk hoqi dorë derisa Limaj u ngrit në këmbë.

“Gjithë kohën ka qenë shumë pro, porse situatën e ka pasur ndryshe. Edhe zonën elektorale e ka më ndryshe. Mirëpo ka qenë gjithë kohën korrekt në bashkëpunim dhe komunikim. Nuk e dija që ka qenë në skenar kjo dalja një nga një. Ai më thoshte shko se vi kur të më thirret emri por i thashë hajde se nuk shkoj pa ty, më tha kisha ardhë po kur më thirret emri”, ka thënë Haradinaj.

-Advertisement-

Natën kur koalicioni festoi rezultatet, Limaj ndodhej në Malishevë.

“Ishte në Malishevë atë natë, e ka bazën elektorale. Bisedojmë çdo ditë, jemi çdo ditë në takime pune”, ka thënë ai.

Haradinaj mënjanon çdo mundësi për një përplasje mes Limajt e Veselit. Përkundrazi, thotë ai, kanë marrëdhënie shumë të mira pune.

Subscribe në YouTube: GAZETA INFOKUSI