Lajme

Haradinaj e quan lajm të mrekullueshëm votimin e Ligjit për Zgjedhjet nga të gjitha partitë politike

Autori: Gazeta inFokus 23:11 | 08 June 2023

Kryetari i AAK-së, Ramush Haradinaj, e ka quajtur lajm të mrekullueshëm votimin me koncensus nga të gjitha partitë politike Ligjin për zgjedhjet.

Ai përmes një postimi në Facebook, ka thënë se ligji nuk paraqet reformë thelbësore të sistemi zgjedhor, por ka adresuar disa shqetësime serioze, ku lehtëson votimin e diasporës.

Postimi i tij i plotë:

-Advertisement-

Votimi me koncensus nga të gjitha partitë politike i Ligjit për zgjedhjet nacionale në Kosovë, është nje lajm i mrekullueshëm!

Ky ligj nuk paraqet një reformë thelbësore të sistemit zgjedhor, por ka adresuar disa prej shqetësimeve serioze, që kanë qenë brengë jo vetëm e jona por edhe e partnerëve ndërkombëtar!

Ai e lehtëson në masë të madhe votimin e bashkëkombësve tanë në diasporë, duke e mundësuar votimin fizik në përfaqësi diplomatike si dhe votimin me postë, garanton numërim transparent e të mbikqyrur të votave per kandidatë, shkurton kohën e numërimit për parti politike, heqë heshtjen zgjedhore që ishte shndërruar në kurth për ndëshkimin e subjekteve zgjedhore, inkurajon partitë politike që të kandidojnë më shumë gra, si dhe disa ndryshime të tjera që kanë ndikim të drejtpërdrejtë në cilësinë e zgjedhjeve në Kosovë!

Poashtu jam shumë i lumtur që edhe përfaqësuesit e Aleancës, kanë dhënë një kontribut të jashtëzakonshëm, jo vetëm në hartimin e këtij Ligji, por edhe në arritjen e koncensusit politik i cili ka reflektuar edhe në votimin e sotëm në Parlament!

Subscribe në YouTube: GAZETA INFOKUSI
Etiketa:
Comodita Home nis epokën e franshizës në Belgjikë
-Advertisement-

Të tjera

Fokusi

lajme