Lajme

Haradinaj bën homazhe në 34-vjetorin e dëshmorëve Afrim Zhitia dhe Fahri Fazliu

Autori: Gazeta inFokus 11:15 | 02 November 2023

Kryetari i Aleancës për Ardhmërinë e Kosovës, Ramush Haradinaj ka bërë homazhe në 34 vjetorin e rënies së dëshmorëve Afrim Zhitia dhe Fahri Fazliu.

“Sot, në 34-vjetorin e rënies, kujtojmë e nderojmë dy heronjtë e kombit, Afrim Zhitia e Fahri Fazliu. Ata i takojnë brezit të hershëm të lëvizjeve për liri, i atdhetarëve që ranë për çlirimin e Kosovës”, tha Haradinaj në një postim në Facebook.

Haradinaj i vlerësoi dëshmorët duke i quajtur atdhetarët që i kanë dhënë fund robërisë përmes luftës çlirimtare të Kosovës.

-Advertisement-

“Pa asnjë dyshim, Afrimi e Fahriu janë atdhetarët e hershëm që me jetën dhe veprën e tyre motivuan brezat që në fundshekullin e kaluar t’i japin fund robërisë përmes luftës sonë çlirimtare”, shtoi Haradinaj.