“Hapja e Urës së Ibrit” – Deputetët e VV-së me Qeverinë, i dalin kundër QUINT-it
Autori: Gazeta inFokus 13:19 | 03 August 2024
Ambasadorët e QUINT-it, pas takimit dje me kryeministrin Albin Kurti, treguan se nuk e përkrahin ndryshimin e statusit të Urës së Ibrit.
Ambasadori amerikan në Prishtinë, Jeffrey Hovenier, pas takimit tha se “Ne përfaqësuesit e Francës, Gjermanisë, Italisë, Britanisë së Madhe, Shtetet e Bashkuara – u takuam me kryeministrin Kurti për ta informuar që qeveritë tona në konsultim me NATO-n nuk mund ta mbështesin asnjë ndryshim të statusit aktual të urës së Mitrovicës aktualisht”.
Kryeministri Albin Kurti nuk foli pas takimit që zhvilloi me ambasadorët e QUINT-it, por Qeveria përmes një komunikate tha se ura e Ibrit duhet të hapet, pasi është simbol i lëvizjes së lirë dhe kjo nuk e rrezikon paqen dhe sigurinë.
Pas këtyre zhvillimeve deputetë të Vetëvendosjes i kanë dalë në mbështetje Qeverisë e kundër ambasadorëve të QUINT-it, duke thënë se ‘ura do të hapet’.
Deputeti i VV-së, Armend Muja, përmes një postimi ka shkruar një listë me ‘gjëra’ që sipas tij QUINT-i nuk e ka mbështetur Qeverinë e Kosovës.
Postimi i tij:
“Lista e gjërave që QUINT-i nuk e ka mbështetur Qeverinë e Kosovës:
-Moslejimin e mbajtjes së zgjedhjeve të Serbisë në Kosovë
-Moslejimin e mbajtjes së referendumit të Serbisë në Kosovë
-Vendosjen e reciprocitetit me Serbinë për targa të veturave
-Zbatimin e planit për konvertimin e targave RKS
-Dërgimin në zyret e tyre të punës të kryetarëve të zgjedhur në katër komunat në veri
-Zbatimin e rregullores së BQK për valutën euro edhe në komunat me shumicë serbe
-Mbylljen e komunave ilegale serbe
-Hapjen e urës mbi Ibër për automjete
Asnjë nga këto kundërshtime ndaj Qeverisë së Kosovë nuk kanë të bëjnë me çështje që lidhen me mungesë të demokracisë, sundimin e ligjit, veprime korruptive, abuzim me paranë publike, keqqeverisje apo orientim te kundërt strategjik. Të gjitha kanë të bëjnë me Serbinë.
Bashkësia ndërkombëtare me vite tash po e trajton Serbisë si të jetë një Ari Siberian në Ballkan që është mirë ta lëmë të qetë që mos të kemi probleme. Por ariu nuk zbutet me ledhatime”.
Besim Muzaqi, deputet i Vetëvendosjes përmes një postimi në në Facebook, vlerësoi se ura do të hapet.
“Ura duhet të hapet. Ura do të hapet”, ka shkruar ai.
Ndërsa deputeti tjetër i VV-së, Dimal Basha, ka thënë se ndërkombëtarët duhet ta tregojnë arsyen pse ura e Ibrit duhet të mbetet e mbyllur.
“Ndërkombëtarët dikur nuk lejonin hapjen e urës për shkak të kërcënimeve të strukturave kriminale në veri dhe frika nga eskalimi – Tani që kriminelët nuk janë më, tregoni qytetarëve cila na qenka arsyeja që ura duhet të mbetet e mbyllur?“, ka shkruar ai.
Kurse deputetja e VV-së, Fitore Pacolli, në një postim në Facebook ka shkruar se “Ma gjeni një urë në Evropë e cila qëndron e mbyllur për arsyet e njëjta sikurse në Kosovë”.
Të tjera
-
Trepça në krizë të prodhimit
Kombinati metalurgjik Trepça nuk ka arritur deri më tash të prodhojë as gjysm...
-
Vdẹs policja, Havë Blakaj
Sindikata e Policisë së Kosovës ka njoftuar se ka vdekur zyrtarja policore, H...
-
Komuna e Prishtinës: IHMK ka paralajmëruar reshje shiu me intensitet të lartë, erëra të forta e rrufe, tregoni kujdes të shtuar
Komuna e Prishtinës i ka njoftuar qytetarët se Instituti Hidrometeorologjik i...
-
Kurti vazhdon takimet në Ballkonin e Hapur, sot priti drejtuesit e Komunës së Leposaviqit
Kryeministri i Kosovës, Albin Kurti, ka vazhduar takimet me kryetarët e komun...
-
IKSHPK: 4 raste të `Etheve të Nilit Perëndimor` në Kosovë
Instituti Kombëtar i Shëndetësisë Publike të Kosovës ka bërë të ditur se në K...
-
Nis mbledhja e parë e Kryesisë pas pushimit veror
Ka nisur mbledhja e parë e Kryesisë pas pushimit veror. Në mbledhjen e sot...
-
BE heq nga lista e sanksioneve ruse nënën e ish-kreut të Wagner dhe djalin e një oligarku
Ambasadorë të Bashkimit Evropian pritet të largojnë këtë javë nga lista e san...
-
Pesha e rëndë e librave, çfarë rekomandon fizioterapisti për fëmijët
Pesë kg peshoi çanta e Xhoanës me vetëm 3 libra vitin e kaluar. Me nisjen e v...
-
Haradinaj për Osmanin: Presidente koti, doli për ta hequr përgjegjësinë nga vetja sikur të kishte qenë në hënë për 4 vjet
Kryetari i AAK-së Ramush Haradinaj tha se presidentja po bën “përpjekje të mj...
-
Kurti: Albanologjia, dije luftarake për të drejta të shqiptarëve në Ballkan
Kryeministri Albin Kurti në hapjen e konferencës “Java e Albanologjisë”, ka t...
-
Turisti zvicerian vdẹs pasi hyri për t’u larë në plazhin e Shëngjinit
Një turist zvicerian ka humbur jetën pasi u fut për t’u larë në plazhin e Shë...
-
Abdixhiku: Për 4 vjet, deficiti tregtar është rritur nga 2.8 në 5.2 miliardë euro, Qeveria populliste dhe Kurti s’e kuptojnë ekonominë
Kryetari i LDK’së, Lumir Abdixhiku, ka thënë se këtë vit Kosova do ta kalojë,...