Lajme

Hapet panairi tregtar shumetnik për gratë pronare të bizneseve

Autori: Gazeta inFokus 09:27 | 13 July 2017

Duke filluar nga sot, Misioni i OSBE-së në Kosovë organizon panair tregtar dy-ditor në Prishtinë për gratë pronare të bizneseve nga jugu dhe veriu i lumit Ibër.

Rreth 30 gra ndërmarrëse nga komuniteti shqiptar dhe ai serb i Kosovës që menaxhojnë biznese të vogla, kryesisht artizanale në fshatrat e tyre përkatëse, do t’i paraqesin dhe shesin produktet e tyre në panair.

Panairi do të shërbejë edhe si mundësi për rrjetëzimin e tyre dhe pikë takimi për të rinjtë dhe punëdhënësit e mundshëm, si dhe do të ndihmoj në rritjen e bashkëpunimit dhe dialogut ndëretnik.

-Advertisement-

Një numër i stendave të organizatave ndërkombëtare dhe kompanive të punësimit nga sektori privat do të jenë gjithashtu pjesë e panairit.

Panairi tregtar do të jetë i hapur për publikun më 13 dhe 14 korrik. Tendat e bizneseve do të jenë të hapura nga ora 10:00 deri 16:00.

Aktivitete tjera përfshirë një ekspozitë me foto dhe diskutime publike do të vazhdojnë të mbahen deri në 19:30.

Panairi do të hapet me një fjalë rasti nga Shefi i Misionit të OSBE-së në Kosovë, Ambasadori Jan Braathu.

Subscribe në YouTube: GAZETA INFOKUSI
Etiketa:
Studio MASTER në UNI, Merr Diplomë dhe lejeqëndrim t’përhershëm në GJERMANI
-Advertisement-

Të tjera

Fokusi

lajme