Lajme

Hamza: S’po largohem nga partia, s’e dua PDK-në vetëm për ta udhëhequr

Autori: Gazeta inFokus 14:49 | 21 Tetor 2026

Kryetari i PDK-së, Bedri Hamza ka dhënë dorëheqje të parevokueshme nga udhëheqja e partisë.

Hamza tha se ky vendim i hap rrugë një procesi të ri zgjedhor brenda PDK-së, përmes të cilit anëtarët do të vendosin për drejtimin e ardhshëm të partisë, duke theksuar rëndësinë e përfshirjes më të madhe të të rinjve dhe mundësive që ata të marrin përgjegjësi.

Hamza tha se gjatë udhëheqjes së tij është përqendruar në ruajtjen e unitetit të partisë, strukturave të saj dhe besimit të anëtarëve e të votuesve.

-Advertisement-

“Nuk po largohem nga PDK-ja. Po largohem vetëm nga pozita e kryetarit, por jo edhe nga besimi në vlerat tona politike. Derisa të kem jetë, do të jem votues besnik i Partisë Demokratike të Kosovës dhe anëtar i kësaj familjeje të madhe politike”, tha ai.

Hamza përmendi vendimin e Dhomave të Specializuara ndaj ish-udhëheqësve të UÇK-së, ndërsa theksoi se përpjekjet për drejtësi, zbardhjen e së vërtetës dhe kthimin e ish-krerëve të UÇK-së pranë familjeve dhe Kosovës do të vazhdojnë.

Hamza në fund i falënderoi anëtarët, strukturat dhe mbështetësit e PDK-së, duke theksuar se interesi i partisë duhet të jetë gjithmonë mbi interesin personal.

“Unë nuk e dua PDK-në vetëm për ta udhëhequr. E kam dashur dhe do ta dua edhe pa e udhëhequr”, tha ai.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy