Sport

Hakmerret Unitedi, mposht Juventusin në Torino

Autori: Gazeta inFokus 23:09 | 07 November 2018

Manchester Unitedi është rikthyer nga disavantazhi për ta mposhtur Juventusin në Allianz Stadium në Torino me rezultat 2-1.

Bianconerët e kontrolluan lojën nga fillimi, mirëpo në fraksionin e parë nuk arritën ta gjenin rrjetën.

Juan Cuadrado dhe Sami Khedira i patën rastet më të mira në gjysmën e parë, e cila u mbyll pa gola.

-Advertisement-

Në pjesën e dytë, një rast për mysafirët e pati Anthony Martial, porse më pas Paulo Dybala e goditi shtyllën.

Rezultati u zhbllokua në minutën e 65-të kur pas një harkimi nga Leonardo Bonucci, Cristiano Ronaldo shënoi me goditje më të parën.

Juve vazhdoi të luante më mirë, mirëpo i shpërdori disa raste dhe kjo gjë iu hakmor me barazimin e rezultatit.

Juan Mata ishte fantastik me një goditje nga gjuajtja e lirë (86′) duke e lënë të shtangur portierin Wojciech Szczesny.

Për më shumë, Djajtë e Kuq e shënuan edhe golin e fitores, kur pas një tollovie në zonë, Paul Pogba me ndihmën e lojtarëve vendas e futi topin në rrjetë (90′).

Me këtë fitore, Manchester Unitedi ngritet në pozitën e shtatë pikëve dhe mbetet dy pikë prapa Juventusit që është lider në krye të Grupit H.

Bianconerët luajnë kundër Valencias në xhiron e ardhshme, ndërsa Djajtë e Kuq ndaj Young Boys.

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

sport