Lajme

Glauk Konjufca viziton BIK-un, uron Fitër Bajramin

Autori: Gazeta inFokus 12:03 | 02 May 2022

Kryetari i Kuvendit të Republikës së Kosovës, Glauk Konjufca, me rastin e Fitër Bajramit, ka vizituar Bashkësinë Islame të Kosovës.

Pas takimit me myftiun Naim Tërnava dhe drejtues të tjerë të kësaj bashkësie, kryetari Konjufca e konsideroi Fitër Bajramin njërën ndër festat më të rëndësishme për besimtarët islamë.

I pari i kuvendit falënderoi myftiun Tërnava për kontributin e jashtëzakonshëm dhe pozitiv që ka dhënë dhe vazhdon ta japë Bashkësia Islame e Kosovës për organizimin e jetës fetare islame në komunitetin, shoqërinë dhe popullin tonë.

-Advertisement-

“Bashkësia Islame vërtet po luan një rol shumë të vlerësuar në aspektin e bamirësisë, në mënyrë që ata që kanë më së shumti nevojë, ta kenë mbështetjen edhe të shtetit, por edhe të Bashkësisë Islame. Urime gjithë popullit shqiptar“, tha Konjufca.

Subscribe në YouTube: GAZETA INFOKUSI